جاڭالىقتار
اتىراۋ وبلىسىنداعى اسكەري بولىمنەن تاعى ءبىر سارباز قاشىپ كەتتى
اتىراۋ وبلىسىندا شەكاراشى اسكەري قىزمەتىن وتەۋگە كەلگەن ازامات قاشىپ كەتتى, دەپ حابارلايدى Alash.KZ. ۇلتتىق پورتالى.
Orda.kz اقپارات كوزىنىڭ حابارلاۋىنشا, اتىراۋ وبلىسى يساتاي اۋدانىندا ورنالاسقان 5575 اسكەري بولىمشەدەن سارباز قاشىپ كەتكەن.
بولىمدەگىلەر ساربازدىڭ جوعىن بىردەن بايقاعان. ارتىنشا ونى اتىراۋ وبلىسى بويىنشا ۇلتتىق قاۋىپسىزدىك دەپارتامەنتى شەكارا قىزمەتىنىڭ قىزمەتكەرلەرى ۇستادى.
«ول ۇستالدى. قاشۋ سەبەبى انىقتالۋدا, بىراق ونىڭ اسكەردەگى الىمجەتتىكە قاتىسى جوق», – دەيدى دەرەككوز.
ەسكە سالا كەتەيىك, مامىر ايىندا اتىراۋ گارنيزونىندا اسكەرگە شاقىرىلعان ازامات قارۋ الىپ قاشىپ كەتكەن ەدى. اسكەري ءبولىم قىزمەتكەرلەرىنىڭ وزدەرى دە, پوليتسەيلەر دە قاشقىندى ۇستاۋعا ارەكەتتەنگەن. بىراق ول اتىس باستالعاننان كەيىن «ارلان» ارنايى جاساقتارى مەن ۇلتتىق قاۋىپسىزدىك كوميتەتىنىڭ قىزمەتكەرلەرىن ىسكە تارتۋعا تۋرا كەلگەن ەدى. ول كەيىننەن ءوز ەركىمەن بەرىلدى.
