Atyraý oblysyndaǵy temirjol apaty bolyp, poıyzdar keshigip jatyr

Atyraý oblysynda poıyz ben júk kóliginiń soqtyǵysýynan keıin alty jolaýshylar poıyzynyń qozǵalysy keshiktirildi, dep habarlaıdy qandastar.kz aqparat portaly QTJ baspasóz qyzmetine silteme jasap. Qazirgi ýaqytta oqıǵa ornynda qalpyna keltirý jumystary júrgizilip jatyr.

«Jolaýshylar tasymaly» kompanııasy tómendegi alty jolaýshylar poıyzynyń qozǵalysy ýaqytsha toqtatylǵanyn habarlady:

№313 «Atyraý – Mańǵystaý» №314 «Mańǵystaý – Atyraý»  №42 «Almaty – Atyraý»  №41 «Atyraý – Almaty»  №123 «Volgograd – Tashkent»  №691 «Atyraý – Aqtóbe»Atyraý qalasynyń ákimdigi jolaýshylardy tasymaldaý úshin qosymsha avtobýstar bóldi. Avtobýstar Atyraý stanııasy jaqyn mańdaǵy Qarabatan stanııasyna deıin jáne keri baǵytta júretin bolady.

«Ulttyq tasymaldaýshy jolaýshylarǵa tamaqpen qamtamasyz etýdi uıymdastyryp, jaǵdaı týraly SMS-habarlamalar jáne temirjol vokzaldarynda aqparat berip otyrady. Jolaýshylar poıyzdarynyń keshigýi týraly málimetterdi 1433 tegin nómiri arqyly bilýge bolady», — delingen habarlamada.

QR temirjol kóligi arqyly jolaýshylardy, júktiń jáne poshtalyq jóneltilimderdi tasymaldaý qaǵıdalaryna sáıkes:

Sapardan bas tartqan jolaýshylarǵa jol júrý bılettiń tolyq quny qaıtarylady. Sapardy aıaqtamaǵan jolaýshylarǵa júrip ótken qashyqtyqqa qaraı bılet qunynyń tıisti bóligi qaıtarylady. Poıyz keshiktirilgen ár saǵat úshin 3% ótemaqy tólenedi, biraq jalpy jol júrý qunynan aspaıdy.Qazirgi ýaqytta temirjol apaty bolǵan jerde eki qalpyna keltirý poıyzy men alty arnaıy tehnıka jumys istep jatyr. Atyraý oblysy ákimdigi jolaýshylardy tasymaldaý úshin 10 avtobýs bóldi.