اتىراۋ وبلىسىنىڭ شەكاراسى وزگەرتىلمەك

اتىراۋ وبلىسىنىڭ شەكاراسى وزگەرەتىنى تۋرالى پرەمەر-ءمينيستردىڭ قاۋلى جوباسىندا ايتىلادى, دەپ حابارلايدى  qandastar.kz.

«اتىراۋ وبلىسىنىڭ شەكاراسى مەن كاسپي تەڭىزىندەگى قازاقستان رەسپۋبليكاسىنىڭ اۋماقتىق سۋلارىنىڭ (تەڭىزىنىڭ) سىرتقى شەگى اراسىنداعى جالپى الاڭى 3 954 015,300 گەكتار جەردى اتىراۋ وبلىسى اۋماعىنا قوسۋ جولىمەن اتىراۋ وبلىسىنىڭ شەكاراسى وزگەرتىلسىن», – دەلىنگەن «اشىق نقا» پورتالىندا جاريالانعان قۇجاتتا.

اتالعان قاۋلىنىڭ جوباسى 15 شىلدەگە دەيىن تالقىلانادى.

وبلىستىڭ شەكاراسىن وزگەرتۋگە مەملەكەتتىك بيۋدجەتتەن قوسىمشا قاراجات تالاپ ەتپەيتىنى جانە تەرىس الەۋمەتتىك-ەكونوميكالىق جانە قۇقىقتىق سالدارعا اكەپ سوقپايتىنى تۇسىندىرمە جازبادا ناقتى بەلگىلى بولماق.