اتىراۋدا 23 جاستاعى فەلدشەرگە وق اتىلىپ, قازا تاپتى

اتىراۋدا 17 تامىز كۇنى توي كەزىندە توبەلەس بولىپ, سالدارىنا 23 جاستاعى فەلدشەر جىگىت مەرت بولدى, دەپ حابارلايدى Qandastar.kz. 

Atyrau Online Telegram ارناسىنىڭ مالىمەتىنشە, توي كەزىندە بىرنەشە ادامنىڭ اراسىندا جانجال تۋىپ, سوڭى توبەلەسكە ۇلاسقان. قاتىسۋشىلاردىڭ ءبىرى جاعدايدى رەتتەۋگە كومەكتەسۋ ءۇشىن فەلدشەر دوسىن شاقىرادى. الايدا ول كەلگەنىمەن, جانجال باسىلماعان. ەرەگىس كەزىندە وق اتىلىپ, سالدارىنان جىگىت وقيعا ورنىندا كوز جۇمدى.

“بولعان ىسكە قاتىسى بار ادامداردىڭ ءبارى ۇستالىپ, قاماۋعا الىندى”, – دەپ مالىمدەدى اتىراۋ وبلىسىنىڭ دەپارتامەنتى.

سونداي-اق “ادام ءولتىرۋ” بابى بويىنشا قوزعالىپ, قازىر تەرگەۋ ارەكەتتەرى جۇرگىزىلىپ جاتىر.