Atyraýda áıel adam Jaıyq ózenine sekirip ketti

Foto: Áleýmettik jeliden
Atyraý qalasyndaǵy Jılgorodok kópirinen bir áıel adam Jaıyq ózenine sekirip ketti, dep habarlaıdy Qandastar.kz.

TJM málimetinshe, qutqarýshylarǵa kýágerler tarapynan habarlama túsken.  Jaǵada júrgen eki azamat áıeldiń kómek suraǵan daýysyn estip, sýǵa sekirip, ony qutqarýǵa umtylǵan. Olar ony sý betinde ustap turǵan.

«Osy sátte kezekti reıdte júrgen Atyraý oblysy TJD Jedel-qutqarý jasaǵynyń qutqarýshylary jedel áreket etip, áıel adamdy jáne kómekke umtylǵan eki azamatty jaǵaǵa alyp shyqty.  Qutqarýshylardyń úılesimdi is-qımylynyń arqasynda eshkim zardap shekken joq», – delingen habarlamada.