Atyraýda aqqýlar qyrylyp jatyr

Foto: adyrna.kz

Atyraýda qustar jappaı qyrylyp jatyr. Kóbi aqqýlar. Aınalasy eki kúnde mamandar 60-qa jýyq qanattynyń óleksesin jınaǵan, dep habarlaıdy Almaty.tv tilshisi.

Atyraýda jańbyrdan keıin shyqqan sańyraýqulaqtaı jer-jerde qustardyń ólekseleri shashylyp jatyr. Sál erterekte áleýmettik jelide keń taraǵan beınejazbadan shamamen 40-50 shaqty qustyń birneshe túrin kórýge bolady. Arasynda sırek kezdesetinderi de bar. Oqıǵa qaladaǵy «Sasyq saı» býlaný alańynda bolǵan. Qazir arnaıy qurylǵan komıssııa qanattylardyń qyrylýyna qatysty mán-jaıdy anyqtaýǵa kiristi.

– Keshe sanaǵanymda 55 dana ólekse, onyń jeteýi aqqý boldy. Júrgen jolymyzdy qarap kele jatyrmyz, joq, alyp ketken sııaqty, – dedi oblystyq orman sharýashylyǵy ınspekııasy bóliminiń bas mamany Mereke Shalqarov.

Mamandar ólekselerdi jınap jatyr. Sý aıdynynan tabylǵandardyń ishinde aqqý da bar.

Aıta keteıik, buryn Atyraýda mundaı jaǵdaı bolmaǵan. Tipti sý quramynan zııandy qaldyq ta anyqtalmaǵan.

– Sýdyń quramynda munaıdyń kórsetkishi 1,8 mıllıgramm bolýy kerek. Al bizde 0,4-0,3 mg kórsetip tur, sý taza, – dedi «Atyraý munaı óńdeý zaýyty» JShS qorshaǵan ortany qorǵaý bóliminiń bastyǵy Nurlan Eщanov.

Ázirge qustardyń jappaı qyrylýyna neniń sebep bolǵany belgisiz. Olardan tıisti synamalar alyndy. Buǵan deıin Mahambet aýdanyna qarasty kanalda da óli balyqtar tabylǵan. О́lekseler tipti 80 kelige jetken. Osynyń bárinen qaýiptengen jergilikti bılik arnaǵa quıatyn sýdyń kólemin arttyrmaq.

– Nege kólemin úlkeıtip jatyrmyz? Sý kóbeıse, aǵys kúsheıedi. Aǵys kúsheıgende balyqqa qajetti ottegi paıda bolady. Balyqtyń bári Jaıyq ózenine jiberiledi, – dedi «Jaıyq-Kaspıı» oblysaralyq basseındik balyq sharýashylyǵy ınspekııasynyń basshysy Nurlybek Gaısın.

Aqpar úshin aıtaıyq, óńirdegi apatty jaǵdaıdyń aldyn alý úshin jumys qarqyndy júrip jatyr. Sońǵy 2 aıda 49 mıllıon qarabalyq shabaǵy qutqarylǵan.

Juldyz Qaıratqyzy, Farhat Tájibaev, «Almaty» telearnasy, Atyraý oblysy