Atyraýda akvapark basshysy qamaýǵa alyndy

Atyrýdaǵy basseınde balalar jappaı ýlanǵan soń, Palma akvaparkiniń basshysy qamaýǵa alyndy, dep habarlady Qandastar.kz ATYRAU ONLINE telegram-arnasyna  silteme jasap.

Atyraý qalasynyń tergeý sotynyń qaýlysymen basseın basshysyna úıqamaq túrindegi bultartpaý sharasy taǵaıyndaldy.

Kýágerlerdiń aıtýynsha, basseın ishinde hlordyń ıisi kúrt kúsheıip, sý laılanyp ketken. Balalar jótelip, esinen tana bastaǵan. Ata-analar olardy qoldaryna kóterip, dalaǵa alyp shyqqan. Oqıǵa ornyna dárigerler men tótenshe jaǵdaılar qyzmeti jedel jetken.

Aldyn ala boljam boıynsha, tótenshe jaǵdaıǵa hlorquramdy zattardyń mólsherden tys qosylýy sebep bolǵan. Basseın ıeleri sý tazartý júıesinde aqaý bolǵanyn moıyndady. Oqıǵadan keıin nysan ýaqytsha jabylyp, TJD men prokýratýra tekserý jumystaryn bastaǵan.

Qazir tergeý jalǵasyp jatyr. Tergeý aıaqtalǵanǵa deıin basseın basshysy úıqamaqta bolady.