اتىراۋدا اپاتتى ۇيلەر بۇزىلادى

اتىراۋ قالاسىندا اپاتتى دەپ تانىلعان ۇيلەر بۇزىلادى, دەپ حابارلايدى Qandastar.kz «Atyrau.Today» اقپارات پورتالىنا سىلتەمە جاساپ.

بۇل باستاما «تازا قازاقستان» باعدارلاماسى اياسىندا جۇزەگە اسىرىلىپ جاتىر. قازىرگى ۋاقىتتا ەسكى قالانىڭ, جمك شاعىن اۋدانىنىڭ اۋماعىن تازارتۋ جۇمىستارى بەلسەندى جۇرگىزىلۋدە. بۇل تۋرالى وڭىرلىك كوممۋنيكاتسيالار قىزمەتى حابارلادى.

«اتىراۋ قالاسىنىڭ شەگىندە بۇگىنگى تاڭدا 117 اپاتتى ءۇي تىركەلگەن, ونىڭ 8-ءى — كوپپاتەرلى تۇرعىن ءۇي. قالا اكىمدىگى بىرتىندەپ ەسكى, توزعان نىسانداردى بۇزۋ جۇمىستارىن باستادى. 40-قا جۋىق ارنايى تەحنيكا جۇمىلدىرىلدى, بۇگىندە 30-عا جۋىق اپاتتى ءۇيدىڭ اۋماعىن قوقىستان تولىعىمەن تازارتۋ جوسپارلانۋدا», — دەدى قالالىق تكش جانە تۇرعىن ءۇي ينسپەكتسياسى ءبولىمى باستىعىنىڭ مىندەتىن اتقارۋشى اقەسەن يبراگيموۆ.

ايتا كەتۋ كەرەك, ورال جاعالاۋىنداعى جالپىقالالىق سەنبىلىككە 5000-عا جۋىق ەرىكتى قاتىسىپ, وزەننىڭ جاعالاۋىن قوقىستان تازارتۋعا كومەكتەستى.