جاڭالىقتار
اتىراۋدا اشىنعان انا جولدى جاپپاق بولدى. پوليتسيا تۇسىنىكتەمە بەردى
فوتو: دەرەككوز
بۇگىن تاڭعى ساعات 09:00 شاماسىندا اتىراۋ قالاسىنىڭ تۇرعىنى پروكۋراتۋرانىڭ الدىنداعى جول قيىلىسىن جاپپاق بولعان, دەپ حابارلايدى Ulysmedia.kz.
مالىمدەمە
ول ءتارتىپ ساقشىلارىنىڭ زاڭدى تالابىنا باعىنباي, كەدەرگى كەلتىرگەن. ايتا كەتەيىك, اتالعان ازاماتشا تامىز ايىندا دوستارىمەن بىرگە جايىق وزەنىنە بارىپ, سۋعا باتىپ قازا تاپقان ءجاسوسپىرىمنىڭ اناسى. پوليتسيا بالانىڭ ءولىمى بويىنشا تامىز ايىنان بەرى قىلمىستىق ءىستى تەرگەپ جاتىر. اناسىنا تەرگەۋ جان-جاقتى ءجۇرىپ جاتقانى حابارلاندى. تەرگەۋ بارىسى دەپارتامەنت باسشىلىعىنىڭ تىكەلەي باقىلاۋىندا, – دەپ ءتۇسىندىردى پوليتسيا دەپارتامەنتى.
انا نەگە اشىندى
ەستەرىڭىزدە بولسا, بيىل 21 تامىزدا جەتىنشى سىنىپ وقۋشىسى اتىراۋ ماڭىنداعى اقجار اۋىلىندا جۇمباق جاعدايدا سۋعا باتىپ كەتكەن.
دوستارى اناسىنا ءجاسوسپىرىمدى ورتا مەكتەپ وقۋشىسى سۋعا يتەرىپ جىبەرگەنىن ايتقان. مارقۇمنىڭ اناسى انارگۇل قاسانتاەۆا تەرگەۋ قر قىلمىستىق كودەكسىنىڭ 104-بابى «ابايسىزدا ادام ءولتىرۋ» بويىنشا ءجۇرىپ جاتقانىنا نارازى. ول ءىستى قايتا قاراۋدى تالاپ ەتىپ ءجۇر. تەرگەۋ تىم ۇزاققا سوزىلىپ, ورنىنان قوزعالماعانىنا بايلانىستى اشىنعان انا وسىنداي ارەكەتكە بارعان.
