جاڭالىقتار
اتىراۋدا بەتتەرىن تۇمشالانىپ العانداردىڭ تۋىمىزدى قورلاعان فوتوسى تارادى
فوتو: azh.kz
ولار قازاقستان تۋىندا ساۋد ارابياسىنىڭ جالاۋىنىڭ ەلەمەنتتەرى بەينەلەنگەن تۋ ۇستاپ تۇر, دەپ حابارلايدى qandastar.kz اقپارات پورتالى azh.kz-كە سىلتەمە جاساپ.
بۇل سۋرەت اتىراۋداعى حيۋاز دوسپانوۆا اتىنداعى مۇز سارايىندا تۇسىرىلگەن بولۋى مۇمكىن. اتىراۋ وبلىسىنىڭ پوليتسيا دەپارتامەنتى اتالعان فاكتى بويىنشا تەكسەرۋ جۇرگىزىپ جاتقانىن حابارلادى.
قازاقستان زاڭناماسىنا سايكەس, مەملەكەتتىك رامىزدەردى قورلاۋ قىلمىستىق جاۋاپكەرشىلىككە اكەپ سوعادى. قىلمىستىق كودەكستىڭ 372-بابىندا مۇنداي ارەكەت ءۇشىن ءۇش مىڭ ايلىق ەسەپتىك كورسەتكىشكە دەيىن ايىپپۇل, سول مولشەردە تۇزەتۋ جۇمىستارى, 900 ساعاتقا دەيىن قوعامدىق جۇمىستار, 2 جىلعا دەيىن باس بوستاندىعىن شەكتەۋ نەمەسە باس بوستاندىعىنان ايىرۋ جازاسى قاراستىرىلعان.
