Atyraýda bloger prokýrordyń qaltasynan 20 myń teńge urlaǵany úshin sottaldy

Foto: depositphotos.com

Atyraý qalasynyń №2 sotynda qorqytyp alý jáne urlyq jasaǵany úshin aıyptalǵan blogerge qatysty qylmystyq is qaraldy. Bul týraly qandastar.kz Stan.kz aqparat agenttigine silteme jasap habarlaıdy.

Sottyń málimetinshe, jergilikti bloger sýpermarkettiń sórelerinen jaramdylyq merzimi ótken taýarlardy taýyp, keıin sýpermarket qyzmetkerin polıııaǵa shaǵymdanatyn aıtyp qorqytyp, 2 mln teńge talap etken.

Polıııa kelgen soń bloger jaramdylyq merzimi ótken ónimderdi satý jáne taýarlarda memlekettik tilde málimetterdiń bolmaýy týraly aryz jazǵan. Munymen toqtalmaǵan bloger aryzyn qaıtaryp alý úshin 39 824 teńgege azyq-túlik alǵan.

Birneshe kúnnen keıin bloger sot proesine qatysqan áriptesin qoldaý maqsatynda Atyraý qalasynyń №2 sotyna kelip, prokýrorlarǵa arnalǵan bólmedegi ishinde qyzmettik kıim turǵan shkafty ashyp, prokýrorlardyń biriniń qaltasynan 20 myń teńgeni jasyryn urlaǵan.

Sottalýshy kinásin moıyndamaı, ózin aqtaýdy suraǵan.

“Sottalýshynyń kinási jábirlenýshilerdiń, kýálardyń aıǵaqtarymen jáne tergeý áreketteriniń beınejazbalarymen óz dálelin tapty. Sot úkimimen bloger  kináli dep tanylyp, oǵan negizinde 3 jyl 1 aı merzimge bas bostandyǵynan aıyrý túrindegi jaza taǵaıyndaldy”, – delingen sot habarlamasynda.

Sot úkimi zańdy kúshine engen joq.

Eske salsaq, buǵan deıin blogerlermen kıkiljińge kelgennen keıin kóz jumǵan kúzetshiniń ólimine qatysty blogerlerdiń ústinen qylmystyq is qozǵalǵan edi.