اتىراۋدا بۇرىنعى ايەلىن ۇرعانى ءۇشىن سوتتالعان ەكس-اكىمنىڭ جازاسى جەڭىلدەتىلدى

فوتو: بقو اكىمدىگى

اپەللياتسيالىق سوت ماقات اۋدانىنىڭ ەكس-اكىمى رينات يبراگيموۆتىڭ بۇرىنعى ايەلىن ۇرىپ-سوعۋ ءىسى بويىنشا ۇكىمىن قايتا قارادى. بۇل تۋرالى  qandastar.kz  Stan.kz اقپارات اگەنتتىگىنە سىلتەمە جاساپ حابارلايدى.

اپەللياتسيالىق سوت جابىرلەنۋشىنى يبراگيموۆكە قارجىلاي تاۋەلدى ەمەس دەپ تاپتى. ويتكەنى ول كاسىپكەرلىكپەن اينالىسادى جانە جەكە كىرىسى بار ەكەن.

«جابىرلەنۋشىنىڭ سوتتالۋشىعا قارجىلاي تاۋەلدى ەكەنى دالەلدەنگەن جوق. جابىرلەنۋشىنىڭ كاسىپكەرلىكپەن اينالىسقانى تۋرالى قۇجاتتار ۇسىنىلىپ, ونىڭ ەسەپشوتىنا اقشا اۋدارىلعانى انىقتالدى», – دەدى سوت.

سوندىقتان ەكس-اكىمنىڭ ارەكەتى قايتا سارالانىپ, وعان 2 415 000 تەڭگە ايىپپۇل سالىندى.

ەسكە سالايىق, اتىراۋ تۇرعىنى اقمارال ۇمبەتقاليەۆا بۇرىنعى كۇيەۋى, وعان قوسا قازىر اتىراۋ وبلىسى ماقات اۋدانىنىڭ اكىمى قىزمەتىن اتقارىپ جۇرگەن رينات يبراگيموۆقا قاتىستى مالىمدەمە جاساعان ەدى. ونىڭ ايتۋىنشا, بۇرىنعى كۇيەۋى 11 جىل ۇرىپ-سوققان, بالالارىن تارتىپ العان. الايدا ونى سوت تەك شارتتى جازاعا كەسكەن ەدى.