Atyraýda enesin óltirdi degen kúdikpen kelini ustaldy

Atyraý oblysy  Qyzylqoǵa aýdanyndaǵy Jasqaırat aýylynyń turǵyny óz enesin óltirdi degen kúdikke ilindi, dep habarlady Qandastar.kz saıty Stan.kz-ke silteme jasap.

Kisi óltirý oqıǵasy 27 mamyrda bolǵan. Aldyn ala málimet boıynsha, 39 jastaǵy áıel 83 jastaǵy enesin pyshaqtap ketken. Zardap shegýshi shuǵyl túrde aýdandyq aýrýhanaǵa jetkizilip, dárigerler aman alyp qalýǵa tyrysqanymen, ol esin jımaı kóz jumdy.

Aýdan ákimi Abat Aqbalashulynyń aıtýynsha, bolǵan jaıt aýyl turǵyndaryn shoshytyp otyr.

«Buǵan deıin ene men kelin arasynda kıkiljiń oryn almaǵan. Oqıǵanyń ne sebepti bolǵany belgisiz. Tıisti organdar aınalysyp jatyr. Oqıǵa kezinde kúıeýi úıde bolmaǵan. Erli-zaıyptylardyń bes balasy bar. Eń kenjesi bir jarym jasta», – dedi ol.

Polıııa málimetinshe, kúdikti qamaýǵa alyndy. Qylmystyq is qozǵalyp, tergeý júrip jatyr.

Iývenaldy polıııanyń málimetinshe, kúdiktiniń eki kishi balasy ákesiniń kelisimimen Atyraýdaǵy sábıler úıine ýaqytsha ornalastyrylǵan.