اتىراۋدا ق ۇلىباەۆ پەن ابىلعازين كومپانياسىن تەكسەرۋ باستالدى

اگەنتتىكتىڭ اتىراۋ وبلىسى بويىنشا دەپارتامەنتى «Batys Petroleum» جشس-نە قاتىستى تەرگەۋدى جەرگىلىكتى كاسىپكەردىڭ شاعىمى نەگىزىندە باستاعان. شاعىمدانۋشى كومپانيانىڭ ۆاگون-تسيستەرنالاردى جوندەۋ قىزمەتتەرىنە مونوپوليالىق جوعارى باعا بەلگىلەگەنىن ايتقان. بۇل ۆاگوندار مۇناي ونىمدەرىن تاسىمالداۋ ءۇشىن پايدالانىلادى.

«Batys Petroleum» جشس 2015 جىلى مامىر ايىندا اتىراۋ قالاسىندا تىركەلگەن. نەگىزگى قىزمەتى — ۆاگون-تسيستەرنالاردى جوندەۋ, تەكسەرۋ جانە مۇناي ونىمدەرىن قۇيۋعا دايىنداۋ. الايدا كومپانيا قۇرىلتايشىلارىنىڭ ءتىزىمى كوپشىلىكتىڭ نازارىن اۋدارىپ وتىر.

كومپانيانىڭ جالعىز يەسى — «Petroleum» جشس. ال «Petroleum»-عا ءۇش زاڭدى تۇلعا يەلىك ەتەدى:

•PTC Holding — تيمۋر ق ۇلىباەۆتىڭ بيزنەس-قۇرىلىمى. ول بۇل كومپانيانى «كيپروس» جشس ارقىلى باقىلايدى.

•«Neoholding» جشس — قۇرىلتايشىلارى قاتارىندا PTC Holding, نيدەرلاندىدا تىركەلگەن ADNTS Holding B.V. (ق ۇلىباەۆپەن بايلانىسى بار) جانە بيزنەسمەن دانيار ابىلعازين بار.

•«ەريدان ينۆەست» جشس — كومپانيا تۋرالى مالىمەت از, بىراق ول دا وسى تىزبەكتىڭ ءبىر بولىگى.

بۇل — اگەنتتىكتىڭ ق ۇلىباەۆقا قاتىستى ءبىرىنشى تەرگەۋى ەمەس. وتكەن جىلى اگەنتتىك ق ۇلىباەۆ باقىلاۋىنداعى «سۇيىتىلعان مۇناي گازى قويماسى» جشس-نە ميلليارد تەڭگەدەن استام ايىپپۇل سالعان ەدى. سول كەزدە كومپانيا نارىقتاعى ۇلەسىن پايدالانىپ, سۇيىتىلعان گازعا جوعارى باعا بەلگىلەگەنى انىقتالعان.

قازىر «Batys Petroleum» ءىسى بويىنشا تەرگەۋ جالعاسىپ جاتىر. ەگەر كومپانيانىڭ باعا ساياساتى زاڭعا قايشى دەپ تانىلسا, بۇل اتىراۋ وبلىسىنىڭ مۇناي سەرۆيستىك نارىعىندا ايتارلىقتاي وزگەرىستەرگە الىپ كەلۋى مۇمكىن.