جاڭالىقتار
اتىراۋدا قۇستار جاپپاي قىرىلىپ جاتىر
اتىراۋدا قۇستار جاپپاي قىرىلىپ جاتىر. قازىردىڭ ءوزى ماماندار 250-گە جۋىق قاناتتىنىڭ ولەكسەسىن انىقتاعان, دەپ حابارلايدى Qandastar.kz Almaty.tv-گە سىلتەمە جاساپ.
ولەكسەلەر «اقجايىق» تابيعي رەزەرۆاتى اۋماعىنداعى «شالىعا» ارالىنان تابىلعان. الەۋمەتتىك جەلىدە تاراعان بەينەجازبادان ارام قاتقان قۇستاردىڭ بىرنەشە ءتۇرىن بايقاۋعا بولادى. ال اتالعان وقيعادان كەيىن رەزەرۆات اۋماعىنا ەكولوگتار, ورمان شارۋاشىلىعى ينسپەكتسياسى مەن ۆەتەريناريا باسقارماسىنان قۇرالعان توپ ارنايى بارىپ, ولەكسەلەردى ساراپتاماعا جىبەردى.
ازىرگە قۇستاردىڭ نەدەن قىرىلعانى بەلگىسىز.
«قازىرگى ۋاقىتتا تابيعي فاكتور دەپ بولجاپ وتىرمىز. سەبەبى قۇستاردىڭ بالاپانداۋى, تۇلەۋى كەزىندە شاعالا تەكتەس قۇستاردىڭ ۇيا سالۋ ساتتىلىگىنەن 30 پايىزعا دەيىن ءولۋ عىلىمي تۇردە دالەلدەنگەن. دەگەنمەن ۇلتتىق رەفەرەندىك ورتالىق ماماندارى سىناما الدى»,- دەدى «اقجايىق» تابيعي رەزەرۆاتى عىلىم جانە مونيتورينگ ءبولىمىنىڭ باسشىسى نازەركە ماحمەتوۆا.
