اتىراۋدا مۇعالىم الاياقتىق جاسادى دەگەن كۇدىككە ءىلىندى

فوتو: istockphoto
اتىراۋدا №37 ورتا مەكتەپ وقۋشىلارىنىڭ اتا-انالارى مۇعالىمدى الاياقتىق جاسادى دەپ ايىپتاپ جاتىر, دەپ حابارلايدى Qandastar.kz «اق جايىق» پورتالىنا سىلتەمە جاساپ.

ولاردىڭ ايتۋىنشا, مۇعالىم «گرانت الۋعا» ۋادە بەرىپ, ولاردان اقشا مەن زەرگەرلىك بۇيىمدار العان.

ء«بىز بالالارىمىزدى كىمگە سەنىپ تاپسىرامىز? ەگەر مەكتەپ ىشىندە وسىنداي جاعداي ورىن السا, تاربيە مەن ءبىلىم تۋرالى نە ايتۋعا بولادى?», — دەيدى اتا-انالار.

ولار مۇعالىمدى دەرەۋ جۇمىستان شىعارۋدى تالاپ ەتىپ, قالالىق پروكۋراتۋرانى, پوليتسيانى جانە ءبىلىم باسقارماسىن جاعدايدى باقىلاۋعا الىپ, ءىستى سوتقا جەتكىزۋدى سۇرادى.

اتا-انالار بالالارىنىڭ تاعدىرىنا نەمقۇرايلى قارامايتىنىن جانە ەگەر فاكتىلەر راستالسا, كىنالىنى قاتاڭ جازالاۋدى تالاپ ەتەتىنىن ايتادى.
ءبىلىم باسقارماسى بۇل جاعدايعا ءالى تۇسىنىكتەمە بەرگەن جوق. بىراق پوليتسيا دەپارتامەنتى قىلمىستىق ءىس قوزعالعانىن حابارلادى.

«وسى فاكتى بويىنشا «الاياقتىق» بابىمەن سوتقا دەيىنگى تەرگەۋ باستالدى. تەرگەۋ مۇددەسى ءۇشىن وزگە دە اقپارات جاريا ەتىلمەيدى», — دەپ حابارلادى پوليتسيا