Atyraýda muǵalim alaıaqtyq jasady degen kúdikke ilindi

Foto: istockphoto
Atyraýda №37 orta mektep oqýshylarynyń ata-analary muǵalimdi alaıaqtyq jasady dep aıyptap jatyr, dep habarlaıdy Qandastar.kz «Aq Jaıyq» portalyna silteme jasap.

Olardyń aıtýynsha, muǵalim «grant alýǵa» ýáde berip, olardan aqsha men zergerlik buıymdar alǵan.

«Biz balalarymyzdy kimge senip tapsyramyz? Eger mektep ishinde osyndaı jaǵdaı oryn alsa, tárbıe men bilim týraly ne aıtýǵa bolady?», — deıdi ata-analar.

Olar muǵalimdi dereý jumystan shyǵarýdy talap etip, qalalyq prokýratýrany, polıııany jáne bilim basqarmasyn jaǵdaıdy baqylaýǵa alyp, isti sotqa jetkizýdi surady.

Ata-analar balalarynyń taǵdyryna nemquraıly qaramaıtynyn jáne eger faktiler rastalsa, kinálini qatań jazalaýdy talap etetinin aıtady.
Bilim basqarmasy bul jaǵdaıǵa áli túsinikteme bergen joq. Biraq polıııa departamenti qylmystyq is qozǵalǵanyn habarlady.

«Osy fakti boıynsha «Alaıaqtyq» babymen sotqa deıingi tergeý bastaldy. Tergeý múddesi úshin ózge de aqparat jarııa etilmeıdi», — dep habarlady polıııa