اتىراۋدا مۇعالىم پەدكەڭەستەن كەيىن وزىنە قول جۇمساماق بولعان

فوتو: اشىق دەرەككوز

ول كىنالىلەردى, ونىڭ ىشىندە مەكتەپ ديرەكتورىن ونىڭ ار-نامىسى مەن قادىر-قاسيەتىن قورلاعانى ءۇشىن جازالاۋدى تالاپ ەتەدى, دەپ جازدى qandastar.kz

اتىراۋ قالاسىنىڭ №37 ورتا مەكتەبىندە اعىلشىن ءتىلى مۇعالىمى پەداگوگيكالىق كەڭەستە كوپشىلىك الدىندا اۋىر ءسوز ەستىگەننەن كەيىن وزىنە قول سالماق بولعان.Ulysmedia.kz مالىمەتىنشە, وتىرىس بارىسىندا ونى مۇعالىمدەردىڭ ءبىرى الاياقتىق جاسادى دەپ ايىپتاپ, بەلگىسىز ادامنىڭ ءسوزىن كەلتىرگەن. كەيبىر ارىپتەستەرىنىڭ جابىرلەنۋشىنى قورعاۋعا تىرىسقانىنا قاراماستان, مەكتەپ ديرەكتورى ايىپتاپ سويلەگەن مۇعالىمنىڭ ءسوزىن بولمەگەن.

مەنى پەداگوگيكالىق كەڭەس كەزىندە قورلادى. بۇعان دەيىن ديرەكتور ءوزىنىڭ “قولى ۇزىن” ەكەنىن ايتقان. بۇل ماسقارا قورلاۋ بولدى, مەن باسقا جولدى كورمەدىم, – دەيدى امالى تاۋسىلعان مۇعالىم.

ونىڭ ايتۋىنشا, ايىپتاۋلار الىنعان اقشاعا قاتىستى. ول مۇنداي ماسەلەلەر پەداگوگيكالىق كەڭەستەردە تالقىلاناتىن تاقىرىپقا اينالماي, قۇقىق قورعاۋ ورگاندارى ارقىلى شەشىلۋگە ءتيىس ەكەنىن اتاپ ءوتتى.

سۋيتسيد ارەكەتى كەشكى ساعات 20:00 شاماسىندا بولعان. مۇعالىم قۇتقارىلدى, قازىر ول وبلىستىق اۋرۋحانادا جاتىر. ول كىنالىلەردى, ونىڭ ىشىندە مەكتەپ ديرەكتورىن ونىڭ ار-نامىسى مەن قادىر-قاسيەتىن قورلاعانى ءۇشىن جازالاۋدى تالاپ ەتەدى.