الەۋمەت جانە قوعام
اتىراۋدا ناماز وقىعان ءبىر توپ ادام جولدى جاپتى
فوتو:ۆيدەو سكرين
اتىراۋدا جۇما نامازى كەزىندە ادامدار تاعى دا جولدى جاۋىپ تاستادى, دەپ جازدى qandastar.kz
قالا تۇرعىندارى جۇرگىزۋشىلەر مەن جاياۋ جۇرگىنشىلەردىڭ جول كەپتەلىسىنە تاپ بولعانىن مالىمدەدى. ءتىپتى تۇرعىندارعا جولدىڭ جابىلاتىنى تۋرالى الدىن الا ەسكەرتىلمەگەن.
اتىراۋ وبلىستىق پوليتسيا دەپارتامەنتىنىڭ مالىمەتىنشە, جول-كولىك وقيعاسىنا بايلانىستى قۇلمانوۆ كوشەسىندە قوزعالىس ۋاقىتشا توقتاتىلدى.
جاعدايعا قازاقستان مۇسىلماندارى ءدىني باسقارماسى تۇسىنىكتەمە بەرىپ, ناماز وقۋ ءۇشىن جولدى جاۋىپ, باسقا ادامدارعا زيان كەلتىرۋگە بولمايتىنىن مالىمدەدى.
«قۇرمەتتى جۇما نامازىنا كەلۋشى جاماعات! پايعامبارىمىز (وعان اللانىڭ سالاۋاتى مەن سالەمى بولسىن) جەتى جەردە ناماز وقۋعا تيىم سالعان. ولار: قوقىس جينالعان جەردە, مال سوياتىن ورىندا, قابىر باسىندا, جولدىڭ ۇستىندە, مونشادا, مال سۋارىلاتىن ورىندا جانە قاعبانىڭ ۇستىندە. جول ۇستىندە ناماز وقۋعا تىيىم سالۋىنىڭ باستى سەبەبى – جول قوزعالىسىنا كەدەرگى كەلتىرمەۋ. ول كوشەمەن جەدەل جاردەم كولىگى, ءورت ءسوندىرۋ كولىگى نەمەسە جۇمىسىنا اسىققان ادام جۇرەتىنى بەلگىلى. سوندىقتان 5 مينۋتقا كوشەنى جاۋىپ ناماز وقۋ قانشاما ۇزىن-سونار كوشە كوپتەلىسىن تۋىنداتادى», – دەلىنگەن حابارلامادا.
