Atyraýda namaz oqyǵan bir top adam joldy japty

Foto:vıdeo skrın

Atyraýda juma namazy kezinde adamdar taǵy  da joldy jaýyp tastady, dep jazdy qandastar.kz

Qala turǵyndary júrgizýshiler men jaıaý júrginshilerdiń jol keptelisine tap bolǵanyn málimdedi. Tipti turǵyndarǵa joldyń jabylatyny týraly aldyn ala eskertilmegen.

Atyraý oblystyq polıııa departamentiniń málimetinshe, jol-kólik oqıǵasyna baılanysty Qulmanov kóshesinde qozǵalys ýaqytsha toqtatyldy.

Jaǵdaıǵa Qazaqstan musylmandary dinı basqarmasy túsinikteme berip, namaz oqý úshin joldy jaýyp, basqa adamdarǵa zııan keltirýge bolmaıtynyn málimdedi.

«Qurmetti juma namazyna kelýshi jamaǵat! Paıǵambarymyz (oǵan Allanyń salaýaty men sálemi bolsyn) jeti jerde namaz oqýǵa tıym salǵan. Olar: qoqys jınalǵan jerde, mal soıatyn orynda, qabir basynda, joldyń ústinde, monshada, mal sýarylatyn orynda jáne qaǵbanyń ústinde. Jol ústinde namaz oqýǵa tyıym salýynyń basty sebebi – jol qozǵalysyna kedergi keltirmeý. Ol kóshemen jedel járdem kóligi, órt sóndirý kóligi nemese jumysyna asyqqan adam júretini belgili. Sondyqtan 5 mınýtqa kósheni jaýyp namaz oqý qanshama uzyn-sonar kóshe kóptelisin týyndatady», – delingen habarlamada.