جاڭالىقتار
اتىراۋدا NCOC كومپانياسىنىڭ مەنەدجەرىن پىشاقتاپ كەتتى
فوتو: اشىق دەرەككوز
قازاقستانداعى ادام قۇقىقتارى بيۋروسى (قاقب) اتىراۋداعى تۇرعىن ءۇي كەشەندەرىنىڭ بىرىندە قازا تاپقان ايەلگە قاتىستى جاڭا دەرەك جاريالادى, دەپ حابارلايدى qandastar.kz
اتىراۋداعى NCOC كومپانياسىندا يگەرۋ جوسپارلاۋ ءبولىمىنىڭ باسشىسى بولىپ جۇمىس ىستەگەن 46 جاستاعى بيبىگۇل شپانوۆاجۇمباق جاعدايدا قازا تاپتى. ونى الدەكىمنىڭ اياۋسىز ولتىرگەنى ايتىلادى.
«الدىن الا مالىمەت بويىنشا, مارقۇمنىڭ دەنەسىنەن پىشاق جاراقاتتارى تابىلعان, ۇيدەگى سەيف بۇزىلعان. قازا تاپقان ايەلدىڭ تۋىستارى ءادىل ءارى بەيتاراپ تەرگەۋ جۇرگىزۋ ءۇشىن ءبىزدىڭ بيۋرومىزدان كومەك سۇرادى», – دەلىنگەن قاقب حابارلاماسىندا.
ۇيىم وكىلدەرىنىڭ ايتۋىنشا, بيبىگۇل شپانوۆا – ەلىمىزدىڭ ءىرى جوبالارىنىڭ دامۋىنا, سونىڭ ىشىندە قاشاعان جوباسىنا دا زور ۇلەس قوسقان بىلىكتى مامان بولعان.
«سوندىقتان بۇل وقيعانىڭ بارلىق قىرلارىن جان-جاقتى زەرتتەۋ قاجەت», – دەيدى ادام قۇقىقتارى بيۋروسى. ولاردىڭ پىكىرىنشە, قىلمىستىڭ كاسىبي قىزمەتپەن بايلانىسىن دا تەرگەۋ نۇسقاسى رەتىندە قاراستىرۋ كەرەك. قازىرگى تاڭدا تەرگەۋ ءجۇرىپ جاتىر.
وتباسى مۇشەلەرىنىڭ ايتۋىنا قاراعاندا, كۇدىكتى ءوزىن سانتەحنيك نەمەسەسلەسار رەتىندە كورسەتىپ, ايەلدەردى ۇزاقۋاقىت بويى الداعان.
