Atyraýda NCOC kompanııasynyń menedjerin pyshaqtap ketti

foto: ashyq derekkóz

Qazaqstandaǵy Adam quqyqtary bıýrosy (QAQB) Atyraýdaǵy turǵyn úı keshenderiniń birinde qaza tapqan áıelge qatysty jańa derek jarııalady, dep habarlaıdy qandastar.kz

Atyraýdaǵy NCOC kompanııasynda ıgerý josparlaý bóliminiń basshysy bolyp jumys istegen 46 jastaǵy Bıbigúl Shpanovajumbaq jaǵdaıda qaza tapty. Ony áldekimniń aıaýsyz óltirgeni aıtylady.

«Aldyn ala málimet boıynsha, marqumnyń denesinen pyshaq jaraqattary tabylǵan, úıdegi seıf buzylǵan. Qaza tapqan áıeldiń týystary ádil ári beıtarap tergeý júrgizý úshin bizdiń bıýromyzdan kómek surady», – delingen QAQB habarlamasynda.

Uıym ókilderiniń aıtýynsha, Bıbigúl Shpanova – elimizdiń iri jobalarynyń damýyna, sonyń ishinde Qashaǵan jobasyna da zor úles qosqan bilikti maman bolǵan.

«Sondyqtan bul oqıǵanyń barlyq qyrlaryn jan-jaqty zertteý qajet», – deıdi Adam quqyqtary bıýrosy. Olardyń pikirinshe, qylmystyń kásibı qyzmetpen baılanysyn da tergeý nusqasy retinde qarastyrý kerek. Qazirgi tańda tergeý júrip jatyr.

Otbasy músheleriniń aıtýyna qaraǵanda, kúdikti ózin santehnık nemeseslesar retinde kórsetip, áıelderdi uzaqýaqyt boıy aldaǵan.