اتىراۋدا وقۋشىلارعا زورلىق جاساعان مەكتەپ تاربيەشىسى تەرگەلىپ جاتىر

فوتو: اشىق دەرەككوز

اتىراۋ وبلىسى ءبىلىم باسقارماسىنىڭ «سارمات» مامانداندىرىلعان مەكتەپ-ينتەرناتى قىزمەتكەرلەرىنىڭ زورلىق-زومبىلىعى تۋرالى الەۋمەتتىك جەلىدەگى جاعداي بويىنشا بويىنشا تىڭ مالىمەت ايتىلدى, دەپ حابارلايدى qandastar.kz Azattyq Rýhy سايتىنا سىلتەمە جاساپ. 

«بالا قۇقىعى جونىندەگى وڭىرلىك ۋاكىل رەتىندە جانە اتىراۋ وبلىسى ءبىلىم باسقارماسىمەن زەردەلەۋ توبى قۇرىلىپ, «سارمات» مەكتەبىنە بارىپ تاڭەرتەڭنەن كەشكە دەيىن زەردەلەۋ جۇمىسىن جۇرگىزدىك. بۇگىن بالالاردىڭ تاماقتانۋىن, تارتىپتەرىن باقىلاپ, ساباقتارىنا قاتىسىپ, ءار بالامەن جەكە سويلەستىك. «سارمات» مەكتەبىندە بولدى دەلىنگەن قىسىم كورسەتۋشىلىك, تاربيەشى تاراپىنان زورلىق-زومبىلىق بويىنشا وقۋشىلارمەن اشىق اڭگىمەلەستىك. جۇمىس بارىسىندا بالالار بۇل فاكتىنى راستاعان جوق, بىراق مەكتەپتەرىنىڭ جاعىمدى نەمەسە ۇنامايتىن جاقتارىن, قاجەتتىلىكتەرى تۋرالى اشىق ايتتى. ەسكەرتپەلەردىڭ ءبارى اكىمشىلىككە ايتىلىپ, قولعا الىناتىندىعى ەسكەرتىلدى», – دەيدى وبلىستاعى بالا قۇقىعى جونىندەگى ۋاكىل ايجان سارسەمباەۆا.

2024 جىلعى 12 جەلتوقساندا اتىراۋ وبلىسىنىڭ ءبىلىم باسقارماسىنىڭ 2024 جىلعى 10 جەلتوقسانداعى №620 بۇيرىعىمەن بالانىڭ اتا-اناسىنىڭ ءوتىنىشى بويىنشا اتالعان مەكەمەنىڭ جۇمىسى زەردەلەنىپ, ناتيجەلەرىنە سايكەس, ديرەكتوردىڭ ورىنباسارىنا 2024 جىلدىڭ 19 جەلتوقسانىندا تارتىپتىك جازا قولدانىلعان بولاتىن.