Atyraýda oqýshylarǵa zorlyq jasaǵan mektep tárbıeshisi tergelip jatyr

Foto: ashyq derekkóz

Atyraý oblysy bilim basqarmasynyń «Sarmat» mamandandyrylǵan mektep-ınternaty qyzmetkerleriniń zorlyq-zombylyǵy týraly áleýmettik jelidegi jaǵdaı boıynsha boıynsha tyń málimet aıtyldy, dep habarlaıdy qandastar.kz Azattyq Rýhy saıtyna silteme jasap. 

«Bala quqyǵy jónindegi óńirlik ýákil retinde jáne Atyraý oblysy bilim basqarmasymen zerdeleý toby qurylyp, «Sarmat» mektebine baryp tańerteńnen keshke deıin zerdeleý jumysyn júrgizdik. Búgin balalardyń tamaqtanýyn, tártipterin baqylap, sabaqtaryna qatysyp, ár balamen jeke sóılestik. «Sarmat» mektebinde boldy delingen qysym kórsetýshilik, tárbıeshi tarapynan zorlyq-zombylyq boıynsha oqýshylarmen ashyq áńgimelestik. Jumys barysynda balalar bul faktini rastaǵan joq, biraq mektepteriniń jaǵymdy nemese unamaıtyn jaqtaryn, qajettilikteri týraly ashyq aıtty. Eskertpelerdiń bári ákimshilikke aıtylyp, qolǵa alynatyndyǵy eskertildi», – deıdi oblystaǵy bala quqyǵy jónindegi ýákil Aıjan Sársembaeva.

2024 jylǵy 12 jeltoqsanda Atyraý oblysynyń bilim basqarmasynyń 2024 jylǵy 10 jeltoqsandaǵy №620 buıryǵymen balanyń ata-anasynyń ótinishi boıynsha atalǵan mekemeniń jumysy zerdelenip, nátıjelerine sáıkes, dırektordyń orynbasaryna 2024 jyldyń 19 jeltoqsanynda tártiptik jaza qoldanylǵan bolatyn.