Atyraýda sheneýnikter tóbelesip, bireýi aýrýhanaǵa tústi

Foto: ashyq derekkóz

Atyraý oblysynda memlekettik kirister departamenti basshysynyń orynbasary kólik prokýratýrasy qyzmetkerimen tóbelesten keıin komaǵa tústi, dep habarlaıdy qandastar.kz

Jelide 28 qańtarda Atyraýdaǵy Beer house villa oıyn-saýyq ornynda prokýratýra qyzmetkeri Asqar Janysbaev pen memlekettik kirister departamentiniń basshysy Aıdyn Saýdanbekov, onyń orynbasary Álibı Baǵytjanov arasynda tóbeles bolǵany týraly aqparat tarady. Tóbeles saldarynan oblystyq memlekettik kirister departamenti basshysynyń orynbasary Baǵytjanov jaraqat alyp, komaǵa túsken.

Qylmystyq kodekstiń 106-baby “Densaýlyqqa qasaqana aýyr zııan keltirý” boıynsha is qozǵaldy.

Bas kólik prokýratýrasynyń baspasóz qyzmeti aqparatty rastap, tergeý júrgizilip jatqanyn málimdedi.

«Atyraý oblysynyń polıııa departamenti memlekettik kirister departamenti qyzmetkeriniń dene jaraqatyn alý faktisi boıynsha sotqa deıingi tergep-tekserý júrgizip jatyr. Barlyq mán-jaıdy anyqtaý maqsatynda bas kólik prokýratýrasy qyzmettik tekserý júrgizip jatyr», – dedi bas kólik prokýratýrasynyń resmı ókili Almıra Bekjan.