اتىراۋدا ستۋدەنتتەر بوگەت سالۋعا قاتىسىپ جاتىر

اتىراۋدا بوگەت سالۋ جۇمىستارىنا ستۋدەنتتەر دە اتسالىسىپ جاتىر. ولار 1 ايدىڭ ىشىندە بيىكتىگى 3 مەترگە جەتەتىن 6 شاقىرىمداي بوگەت سالدى. سونىمەن قاتار ستۋدەنتتەر وڭىرگە كەلگەن گۋمانيتارلىق كومەكتى تاراتۋ جۇمىستارىنا دا جۇمىلدىرىلعان. ال ۋنيۆەرسيتەت عالىمدارى جەدەل شتابتىڭ قۇرامىنا كىرىپ, عىلىمي باعىتتاعى ماسەلەلەردى زەردەلەۋگە ۇلەس قوسىپ جاتىر.  گۇلزادا شاكۋليكوۆا, ۋنيۆەرسيتەت رەكتورى: – باسىندا وتە قيىن, كولەمى ۇلكەن بولىپ كورىنگەنىمەن ءبىزدىڭ جاستارعا, ءوزىمىزدىڭ ارىپتەستەرگە ۇلكەن العىسىمىزدى بىلدىرەمىز. ەۆاكۋاتسيا پۋنكتى رەتىندە ءبىزدىڭ ۋنيۆەرسيتەت بازاسىندا 350 ورىن دايىن. بۇگىنگى تاڭدا 132 جۇرگىزۋشى, ءار اۋداننان, ءار وبلىستاردان اتىراۋ وڭىرىنە كومەككە كەلگەن جۇرگىزۋشىلەر ءبىزدىڭ بازامىزدا تۇرىپ جاتىر.