اتىراۋدا ءۇي ورتەنىپ, اناسى مەن بالاسى تىرىدەي جانىپ كەتتى

فوتو: اشىق دەرەككوز 

قايعىلى وقيعا اتىراۋ وبلىسىنا قاراستى قۇرمانعازى اۋدانىندا 5 قاراشا كۇنى تاڭعى ۋاقىتتا بولعان, دەپ جازادى qandastar.kz

تۇرعىن ۇيدەن شىققان ءورت سالدارىنان 66 جاستاعى كەيۋانا مەن ونىڭ 35 جاستاعى ۇلى وقيعا ورنىندا كوز جۇمدى. اتىراۋ وبلىسى توتەنشە جاعدايلار دەپارتامەنتىنىڭ حابارلاۋىنشا, 58 جاستاعى وتاعاسى جانە ونىڭ 5 جاسار نەمەرەسى كۇيىك جانە كومىرقىشقىل گازىنا ۋلانۋ دياگنوزىمەن اۋداندىق اۋرۋحاناعا جەتكىزىلگەن.

قالىڭ ءورت تاڭعى 5:00-دە باستالىپ, 6:30-دا تولىق سوندىرىلگەن.

جىلىتۋ ماۋسىمى باستالعالى بەرى اتىراۋدا العاش رەت تىركەلىپ وتىرعان تۇرعىن ءۇي ءورتىنىڭ شىعۋىنا نە سەبەپ بولعانى بەلگىسىز.