Atyraýda úı órtenip, anasy men balasy tirideı janyp ketti

Foto: ashyq derekkóz 

Qaıǵyly oqıǵa Atyraý oblysyna qarasty Qurmanǵazy aýdanynda 5 qarasha kúni tańǵy ýaqytta bolǵan, dep jazady qandastar.kz

Turǵyn úıden shyqqan órt saldarynan 66 jastaǵy keıýana men onyń 35 jastaǵy uly oqıǵa ornynda kóz jumdy. Atyraý oblysy Tótenshe jaǵdaılar departamentiniń habarlaýynsha, 58 jastaǵy otaǵasy jáne onyń 5 jasar nemeresi kúıik jáne kómirqyshqyl gazyna ýlaný dıagnozymen aýdandyq aýrýhanaǵa jetkizilgen.

Qalyń órt tańǵy 5:00-de bastalyp, 6:30-da tolyq sóndirilgen.

Jylytý maýsymy bastalǵaly beri Atyraýda alǵash ret tirkelip otyrǵan turǵyn úı órtiniń shyǵýyna ne sebep bolǵany belgisiz.