جاڭالىقتار
اتىراۋدا جول اپاتى بولىپ, ءجاسوسپىرىم قازا تاپتى
فوتو: اشىق دەرەككوز
19 قاڭتاردا ساعات 23:30 شاماسىندا اتىراۋ وبلىسىندا جول اپاتىنان 1 ءجاسوسپىرىم قازا تاۋىپ, جاراقات العان جۇرگىزۋشى مەن تاعى 1 جولاۋشى اۋرۋحاناعا جەتكىزىلدى, دەپ حابارلايدى qandastar.kz
«اتىراۋ قالاسىنان دامبى اۋىلىنا قاتىنايتىن تاس جولدا ۆاز — 2170 جانە Toyota Camry اۆتوكولىكتەرى سوقتىعىستى. جول اپاتىنىنىڭ سالدارىنان 2007 جىلعى بوزبالا جۇگىزگەن ۆاز — 2170 اۆتوكولىگىندە وتىرعان 16 جاسار ءجاسوسپىرىم وقيعا ورنىندا قايتىس بولدى. اتالعان كولىكتەگى تاعى ءبىر جولاۋشى مەن جۇرگىزۋشىسى اۋرۋحاناعا جەتكىزىلدى», — دەپ حابارلادى دەپارتامەنتتىڭ ءباسپاسوز قىزمەتى.
قازىر اتالعان جول-كولىك وقيعاسىنا بايلانىستى كەشەندى تەرگەۋ امالدارى باستالدى.
«اتا-انالارعا جاسوسپىرىمدەردىڭ كولىك جۇرگىزۋىنە جانە تۇنگى مەزگىلدە باقىلاۋسىز جىبەرمەۋدى ەسكەرتەمىز. بالالاردىڭ قاۋىپسىزدىگىن باستى نازاردا ۇستاعان ءجون», — دەلىنگەن حابارلامادا.
