Jańalyqtar
Atyraýda jol apaty bolyp, jasóspirim qaza tapty
Foto: ashyq derekkóz
19 qańtarda saǵat 23:30 shamasynda Atyraý oblysynda jol apatynan 1 jasóspirim qaza taýyp, jaraqat alǵan júrgizýshi men taǵy 1 jolaýshy aýrýhanaǵa jetkizildi, dep habarlaıdy qandastar.kz
«Atyraý qalasynan Damby aýylyna qatynaıtyn tas jolda VAZ — 2170 jáne Toyota Camry avtokólikteri soqtyǵysty. Jol apatynynyń saldarynan 2007 jylǵy bozbala júgizgen VAZ — 2170 avtokóliginde otyrǵan 16 jasar jasóspirim oqıǵa ornynda qaıtys boldy. Atalǵan kóliktegi taǵy bir jolaýshy men júrgizýshisi aýrýhanaǵa jetkizildi», — dep habarlady departamenttiń baspasóz qyzmeti.
Qazir atalǵan jol-kólik oqıǵasyna baılanysty keshendi tergeý amaldary bastaldy.
«Ata-analarǵa jasóspirimderdiń kólik júrgizýine jáne túngi mezgilde baqylaýsyz jibermeýdi eskertemiz. Balalardyń qaýipsizdigin basty nazarda ustaǵan jón», — delingen habarlamada.
