اتىراۋلىق ايەل دەپۋتات بولعان ەكس-كۇيەۋى قورلىق كورسەتكەنىن ايتتى

فوتو: stan.kz

اتىراۋلىق ءتورت بالانىڭ اناسى وبلىستىق ءماسليحاتتىڭ دەپۋتاتى بولعان كۇيەۋىن  ۇزاق جىلدار بويى تۇرمىستىق زورلىق-زومبىلىق كورسەتىپ, كەيىن اليمەنت تولەۋدەن قاساقانا جالتارعانىن مالىمدەدى, دەپ حابارلايدى qandastar.kz

اتىراۋلىق نۇرجامال تاجعاليەۆا پرەزيدەنتكە ادىلدىك سۇراپ, اشىق حات جولدادى.

نۇرجامال تاجعاليەۆا كۇيەۋى ايبار ەرەكەشوۆتەن 12 جىل قورلىق كورىپ, سوققىعا جىعىلعانىن ايتتى.

«2018 جىلى بالامدى ەمىزىپ جاتقاندا, ول ۇيالى تەلەفونمەن باسىمدى جارىپ جىبەردى, ال 2023 جىلى 120 كەلى سالماعىمەن ۇستىمە وتىرىپ ۇرىپ سوقتى», – دەدى ايەل.

ول بىرنەشە رەت پوليتسياعا ارىز جازعانىن, بىراق كۇيەۋى مەن اتا-اناسىنىڭ قىسىمىنان سوڭ قايتارىپ العان. سەبەبى ەر ادام تۇزەلۋگە ۋادە بەرىپتى.

اجىراسقاننان كەيىن بالالارىنىڭ اكەسى اليمەنت تولەمەي, التى ميلليون تەڭگەگە جۋىق قارىز بولدى. نۇرجامالدىڭ ايتۋىنشا, دەپۋتات اليمەنت تولەۋدى سوت ارقىلى داۋلاۋعا تىرىسىپ, بالالارىن تارتىپ الۋدى كوزدەپ وتىر. ونىڭ ۇستىنە ۇلكەن قىزىن الداپ تارتىپ العان.

سونىمەن قاتار پوليتسيا ەرەكەشوۆتىڭ ارەكەتىن جاسىرىپ جاتىر دەيدى. “قورعاۋ تۋرالى بۇيرىق” ارەڭ بەرىلگەن, ونىڭ ۇستىنە ول ەر ادامدى دا, ايەلدى دە قورعاۋ ءۇشىن بەرىلىپتى.

پرەزيدەنت قاسىم-جومارت توقاەۆقا جولداعان ۇندەۋىندە ەرەكەشوۆكە قاتىستى قىلمىستىق ءىس قوزعاۋعا كومەكتەسۋدى سۇرايدى.

«ايەلىن ۇرىپ-سوعىپ, بالالارىنىڭ الدىنداعى جاۋاپكەرشىلىگىنەن جالتارىپ, مەنشىگىنە تالاپ قويعان ەر ادام دەپۋتاتتىق لاۋازىمعا يە بولا المايدى. مەن ءوزىم جانە بالالارىم ءۇشىن ادىلدىك سۇرايمىن. مەملەكەت مەنى ەستيدى دەپ ۇمىتتەنەمىن», – دەدى ايەل.

اتىراۋ وبلىستىق پوليتسيا دەپارتامەنتى اتالعان وقيعا بويىنشا تەرگەۋ امالدارى جۇرگىزىلىپ جاتقانىن ايتتى.

«جاريالانعان فوتولار 2018 جانە 2023 جىلدارى تۇسىرىلگەن. 1987 جىلعى ايەلدىڭ ايتۋىنشا, 2018 جانە 2023 جىلدارى قورعاۋ نۇسقالارى بەرىلگەن, كەيىن ارىزدانۋشىنىڭ ءوتىنىشى بويىنشا كۇشىن جويعان.

2024 جىلى ايەل مەن ونىڭ بۇرىنعى كۇيەۋىنىڭ ءوتىنىشى بويىنشا قورعاۋ تۋرالى بۇيرىقتار شىعارىلدى. ارىزدانۋشىلاردىڭ ايتۋىنشا, ولار تەلەفون ارقىلى ءبىر-ءبىرىن مازالاعان”, – دەدى پوليتسيا.