Atyraýlyq áıel depýtat bolǵan eks-kúıeýi qorlyq kórsetkenin aıtty

Foto: stan.kz

Atyraýlyq tórt balanyń anasy oblystyq máslıhattyń depýtaty bolǵan kúıeýin  uzaq jyldar boıy turmystyq zorlyq-zombylyq kórsetip, keıin alıment tóleýden qasaqana jaltarǵanyn málimdedi, dep habarlaıdy qandastar.kz

Atyraýlyq Nurjamal Tájǵalıeva prezıdentke ádildik surap, ashyq hat joldady.

Nurjamal Tájǵalıeva kúıeýi Aıbar Erekeshovten 12 jyl qorlyq kórip, soqqyǵa jyǵylǵanyn aıtty.

«2018 jyly balamdy emizip jatqanda, ol uıaly telefonmen basymdy jaryp jiberdi, al 2023 jyly 120 keli salmaǵymen ústime otyryp uryp soqty», – dedi áıel.

Ol birneshe ret polıııaǵa aryz jazǵanyn, biraq kúıeýi men ata-anasynyń qysymynan soń qaıtaryp alǵan. Sebebi er adam túzelýge ýáde beripti.

Ajyrasqannan keıin balalarynyń ákesi alıment tólemeı, alty mıllıon teńgege jýyq qaryz boldy. Nurjamaldyń aıtýynsha, depýtat alıment tóleýdi sot arqyly daýlaýǵa tyrysyp, balalaryn tartyp alýdy kózdep otyr. Onyń ústine úlken qyzyn aldap tartyp alǵan.

Sonymen qatar polıııa Erekeshovtiń áreketin jasyryp jatyr deıdi. “Qorǵaý týraly buıryq” áreń berilgen, onyń ústine ol er adamdy da, áıeldi de qorǵaý úshin berilipti.

Prezıdent Qasym-Jomart Toqaevqa joldaǵan úndeýinde Erekeshovke qatysty qylmystyq is qozǵaýǵa kómektesýdi suraıdy.

«Áıelin uryp-soǵyp, balalarynyń aldyndaǵy jaýapkershiliginen jaltaryp, menshigine talap qoıǵan er adam depýtattyq laýazymǵa ıe bola almaıdy. Men ózim jáne balalarym úshin ádildik suraımyn. Memleket meni estıdi dep úmittenemin», – dedi áıel.

Atyraý oblystyq polıııa departamenti atalǵan oqıǵa boıynsha tergeý amaldary júrgizilip jatqanyn aıtty.

«Jarııalanǵan fotolar 2018 jáne 2023 jyldary túsirilgen. 1987 jylǵy áıeldiń aıtýynsha, 2018 jáne 2023 jyldary qorǵaý nusqalary berilgen, keıin aryzdanýshynyń ótinishi boıynsha kúshin joıǵan.

2024 jyly áıel men onyń burynǵy kúıeýiniń ótinishi boıynsha qorǵaý týraly buıryqtar shyǵaryldy. Aryzdanýshylardyń aıtýynsha, olar telefon arqyly bir-birin mazalaǵan”, – dedi polıııa.