Атышулы Мұрат Әбділдә бостандыққа шығады

Фото: ашық дереккөз

Әлеуметтік желіде аты шыққан Мұрат Әбділдә бостандыққа шығатын болды, – деп хабарлайды qandastar.kz El.kz ақпарат агенттігіне сілтеме жасап.

Бұл туралы заңгер Молдахан Әділетхан әлеуметтік желідегі парақшасында айтты.

Оның сөзіне қарағанда, сот қаулысы 15 күннің ішінде күшіне енеді.

Еске салсақ, блогер Мұрат Әбділда мас күйінде қазақ руларының біріне тіл тигіземін деп, рулық алауыздықты қоздырғаны үшін өзінің өтелмеген соттылықтарына тағы да мерзім қосып алған еді. Ол бұдан бұрын екі рет ҚР Қылмыстық кодексінің 174-бабы бойынша шартты мерзімдерге сотталған, бірақ бұл жолы сот оны қоғамнан 4 жыл 6 айға оқшаулау туралы шешім қабылдады. Сонымен бірге оны алкоголизмнен мәжбүрлеп емдеуге жіберді.