اۋا رايىنىڭ قولايسىزدىعىنا بايلانىستى «قازاۆتوجول» رەسپۋبليكالىق تاس جولدارعا شەكتەۋ ەنگىزدى

قازاقستاندا قار, بوران جانە جولدىڭ ناشار كورىنۋىنە بايلانىستى جەتى وبلىستاعى رەسپۋبليكالىق ماڭىزى بار سەگىز جولعا كولىك قوزعالىسىنا شەكتەۋلەر ەنگىزىلدى. بۇل تۋرالى «قازاۆتوجول» حابارلايدى.
الماتى وبلىسىندا قار جاۋىپ, اۋا تەمپەراتۋراسىنىڭ تومەندەۋىنە بايلانىستى جالپى ۇزىندىعى 99 شاقىرىمدى قۇرايتىن ەكى جولدا كولىك قوزعالىسى شەكتەلدى. «الماتى-تاۋ» تۋريستىك ورتالىعىنا جۇك جانە قوعامدىق كولىك قاتىناسى جابىلدى, «الماتى-تاشكەنت-تەرمەز» ۋچاسكەسى – جاڭاقۇرلىس اۋىلى-جامبىل وبلىسى كولىكتىڭ بارلىق ءتۇرى ءۇشىن جابىلدى.

شىعىس قازاقستان وبلىسىندا ءبىر «ومبى-مايقاپشاعاي» ۋچاسكەسى – اباي اۋدانىنا قاراستى قالا – زايسان قالاسى جالپى ۇزىندىعى 153 شاقىرىمدى قۇرايتىن قار, بۇرقاسىن جانە كورىنۋدىڭ شەكتەلۋىنە بايلانىستى جابىلدى.

ءدال وسىنداي جاعداي جامبىل وبلىسىندا دا بايقالادى, قار, بوران, جەل جانە كولىكتىڭ بارلىق تۇرلەرى ءۇشىن كورىنۋ مۇمكىندىگىنىڭ شەكتەلۋىنە بايلانىستى جالپى ۇزىندىعى 150 شاقىرىمدى قۇرايتىن جولدىڭ ەكى ۋچاسكەسى جابىلدى: «الماتى-تاشكەنت-تەرمەز» – الماتى وبلىسىنىڭ قالاسى», سونداي-اق «قورداي اۋىلى, كەنەن اۋىلى, قاينار اۋىلى (قوزعالىس ەسكى قورداي اسۋى ارقىلى جۇزەگە اسىرىلادى)

جەتىسۋ وڭىرىندە جالپى ۇزىندىعى 100 شاقىرىمدى قۇرايتىن ءۇشارال-دوستىق ۋچاسكەسى – كوكتۇما ستانساسى – دوستىق ستانساسى كولىكتىڭ بارلىق ءتۇرى ءۇشىن جابىلعان. قار, بوران, جەل جانە كورۋ مۇمكىندىگى شەكتەۋلى

قوستاناي وبلىسىندا ۇلىتاۋ وڭىرىندە اۋا رايىنىڭ ناشارلاۋىنا بايلانىستى جالپى ۇزىندىعى 83 شاقىرىمدى قۇرايتىن جەزقازعان-پەتروپاۆل – ۇلىتاۋ وبلىسى – ارقالىق تاس جولىندا كولىكتىڭ بارلىق تۇرىنە شەكتەۋلەر ەنگىزىلدى.

ۇلىتاۋ وبلىسىندا جەلدىڭ, قارلى بوراننىڭ جانە كورىنۋدىڭ شەكتەلۋىنە بايلانىستى جالپى ۇزىندىعى 115 شاقىرىمدى قۇرايتىن ۋچاسكە كولىكتىڭ بارلىق تۇرلەرى ءۇشىن جابىلدى: «جەزقازعان-پەتروپاۆل» – ۇلىتاۋ اۋىلى-قوستاناي وبلىسى. قازىرگى تاڭدا رەسپۋبليكالىق ماڭىزى بار جولداردا 255 بىرلىك تەحنيكا مەن 382 ادام جۇمىس ىستەۋدە.