اۋە بيلەتتەرى نەلىكتەن قىمبات — سەناتور جاۋابىن ايتتى

سۇيىندىك الداشەۆ سالانىڭ باستى اۋىرتپالىعى اۆياتسيالىق وتىننىڭ جەتىسپەۋشىلىگى ەكەنىن اتاپ ءوتتى.

«وتاندىق مۇناي وڭدەۋ زاۋىتتارى ءوسىپ كەلە جاتقان سۇرانىستى تولىعىمەن قامتاماسىز ەتە الماۋدا, سوندىقتان قالعان بولىكتى يمپورت ەسەبىنەن جابۋعا تۋرا كەلىپ تۇر. قازىردىڭ وزىندە تاپشىلىق شامامەن 237 مىڭ توننانى قۇرايدى. 2030 جىلعا قاراي قاجەتتىلىك 550 مىڭ تونناعا دەيىن وسەدى. بۇل رەتتە, اۋە بيلەتتەرىنىڭ قۇنى دا قازاقستاندىقتاردى الاڭداتىپ وتىر. جانارماي نەگىزىنەن بيلەت قۇنىنىڭ 36,5%-ىن قۇرايدى. تەحنيكالىق قىزمەت كورسەتۋ-14,9%, اۋەجاي قىزمەتى – 10,7% جانە جولاۋشىلارعا قىزمەت كورسەتۋ – 6,1%»,- دەدى دەپۋتات.

سونداي-اق, ونىڭ سوزىنە سۇيەنسەك, اۋەجايلاردى دامىتۋدا جۇيەلى كوزقاراس جوق. كوپشىلىك اۋەجاي جەرگىلىكتى بيۋدجەتتەردەن قارجىلاندىرىلادى وسىلايشا شىعىنعا ۇشىرايدى.