Áýe bıletteri nelikten qymbat — senator jaýabyn aıtty

Súıindik Aldashev salanyń basty aýyrtpalyǵy avıaııalyq otynnyń jetispeýshiligi ekenin atap ótti.

«Otandyq munaı óńdeý zaýyttary ósip kele jatqan suranysty tolyǵymen qamtamasyz ete almaýda, sondyqtan qalǵan bólikti ımport esebinen jabýǵa týra kelip tur. Qazirdiń ózinde tapshylyq shamamen 237 myń tonnany quraıdy. 2030 jylǵa qaraı qajettilik 550 myń tonnaǵa deıin ósedi. Bul rette, áýe bıletteriniń quny da qazaqstandyqtardy alańdatyp otyr. Janarmaı negizinen bılet qunynyń 36,5%-yn quraıdy. Tehnıkalyq qyzmet kórsetý-14,9%, áýejaı qyzmeti – 10,7% jáne jolaýshylarǵa qyzmet kórsetý – 6,1%»,- dedi depýtat.

Sondaı-aq, onyń sózine súıensek, áýejaılardy damytýda júıeli kózqaras joq. Kópshilik áýejaı jergilikti bıýdjetterden qarjylandyrylady osylaısha shyǵynǵa ushyraıdy.