Áýejaıda esirtkini jańa jyldyq syılyq retinde ótkizbek bolǵan áıel ustaldy

Foto: New zealand customs

Jańa Zelandııanyń áýejaıynda kanadalyq áıel shekaradan 10 kılogramǵa jýyq metamfetamın ótkizbek bolǵan. Bul týraly Stan.kz aqparat agenttigi People.com basylymyna silteme jasap habarlaıdy.

Málimetterge sensek, 29 jastaǵy áıel esirtkini jańa jyldyq syılyqtar retinde oraǵan. Alaıda, kedenshiler ony ustap qaldy.

Olar kontrabandashy áıelmen suraq-jaýap júrgizgen. Onyń jol sómkesin tekserip, ishinen tyıym salynǵan zattardy tapty.

Oklend áýejaıynyń keden qyzmetiniń esepteýi boıynsha tárkilengen esirtkiniń qara naryqtaǵy quny 3,8 mıllıon jańa zelandııalyq dollar (229 mıllıon rýbl) bolýy múmkin. Keıin kanadalyq áıel qamaýǵa alyndy.