«Aýǵanstan boldyq»: Aqtóbede qyzdarǵa arnalǵan jeke mektep ashyldy

Foto: vıdeodan skrınshot

Jelide Aqtóbede qyzdarǵa arnalǵan jekemenshik mekteptiń ashylǵany týraly vıdeo paıda boldy. Ol jerde 400-den asa qyz bala bilim alady, dep habarlaıdy qandastar.kz KYN.KZ-ke silteme jasap.

Oqý orny oramaldy oqýshylardyń bilim alýy úshin salynǵan eken.

Bul – jeke mektep. Lıenzııa aldyq. Bilim basqarmasy habardar. Ashylý saltanatyn ótkizdik. Oblystyq bilim basqarmasy, qalalyq bilim bóliminen qyzmetkerler jáne osy aýdanǵa jaýapty depýtat keldi. Tyǵylyp jumys istep jatqan joqpyz. 1 qyrkúıekte 1 jáne 9-synyp oqýshylary keldi. Sony bireý túsirip, «Aýǵanstan boldyq» dep salǵan. Mektepte balalar standartqa saı oqytylady, – dep málimdedi «Atameken» mektebiniń dırektory Venera Joldybaeva.

Buryn qalada qyzdarǵa arnalǵan «Qunan» mektebi bolǵan. Ol jabylyp, ornyna osy «Atameken» bilim oshaǵy ashylǵan.

Mektep formasyna qoıylatyn talaptar oryndalady. Oqý baǵdarlamasy bilim standartyna saı júrgiziledi. Oqýshylar syrttan oramal tartyp kelgenmen, ishke kirgende sheshedi. Sabaqta oramalsyz otyrady. Mektep qabyrǵasynda ishki talap erejeleri tolyq saqtalady. Oramal tartatyn muǵalim joq dep aıta almaımyn. Ondaı muǵalimder bar. «Qunan» mektebinen kelgen 7 muǵalim bar. Biraq mektep ishinde ol kisiler oramal tartpaıdy. Muǵalimder de mektep formasyn saqtaıdy. Oqýshylar arasynda oramal tartatyn jáne tartpaıtyn qyzdar bar. Mektep tek Aqtóbe oblysynyń balalaryna arnalǵan. Suranys kóp, – dedi dırektor.

Jekemenshik mektepte 430 qyz eki aýysymmen oqıdy. 1-9-synyp arasyndaǵy oqýshylardy qabyldaıdy. Ár ata-ana aıyna 30 myń teńge tóleıdi eken. Kópbalaly, erekshe bala tárbıelep otyrǵan ata-analarǵa jeńildik bar.

Sonymen birge mektep dırektory bilim berý mekemesinde oqýshylardyń namaz oqymaıtynyn jáne namaz oqıtyn orynnyń joq ekenin aıtty.

Bilim alýshylar Bilim jáne ǵylym mınıstriniń 2016 jylǵy 14 qańtardaǵy №26 «Orta bilim berý uıymdary úshin mindetti mektep formasyna qoıylatyn talaptardy bekitý týraly» buıryǵynyń talaptaryn oryndap otyr. Mekteptegi oqý-tárbıe proesi Oqý-aǵartý mınıstriniń 2022 jylǵy 3 tamyzda  bekitilgen «Mektepke deıingi tárbıe men oqytýdyń, bastaýysh, negizgi orta, jalpy orta, tehnıkalyq jáne kásiptik, orta bilimnen keıingi bilim berýdiń memlekettik jalpyǵa mindetti standarttaryn bekitý týraly» №348  buıryǵyna sáıkes júrgiziledi, – dedi Aqtóbe oblysy bilim basqarmasy basshysynyń orynbasary Nurgúl Bertileýova.