Aýǵanstan-Qazaqstan-Eýropa. Esirtki arnasy anyqtaldy

Ulttyq qaýipsizdik komıteti ótken jyldyń sońynda «Soltústik baǵdar» dep atalatyn halyqaralyq esirtki jetkizý arnasynyń jolyn kesý boıynsha operaııany iske asyrdy. Jedel jete tekserý barysynda Aýǵanstannan Qazaqstan aýmaǵy arqyly Eýropa elderine esirtki kontrabandasynyń qoldanystaǵy arnasy anyqtaldy.

Komıtet sheteldik seriktestermen jáne Germanııanyń quzyretti organdarymen ózara is-qımyl jasaı otyryp, halyqaralyq esirtki sındıkattarynyń biriniń damyǵan jelisin anyqtady. Jete tekserýdiń sońǵy kezeńi Germanııada 60 kg apıyn men 12 kg metamfetamındi tasymaldaý kezinde eki sheteldikti ustaý boldy. Germanııanyń quqyq qorǵaý organdary sotqa deıingi tergeý júrgizýde. Aǵymdaǵy jyldyń aqpanynda basqa jete tekserý sheńberinde transulttyq esirtki qurylymyna qatysýshylardyń aýǵan esirtkileri kontrabandasynyń kezekti halyqaralyq arnasyn uıymdastyrý nıetteri áshkerelendi.

Esirtki tizbeginiń barlyq býyndaryn joıý maqsatynda Qazaqstan Respýblıkasy Bas prokýratýrasynyń úılestirýimen eýropalyq seriktestermen ózara is-qımyl uıymdastyryldy. Qabyldanǵan sharalardyń nátıjesinde esirtki arnasynyń negizgi uıymdastyrýshysy – Ispanııa azamaty ustaldy, odan Qazaqstan arqyly Aýǵanstannan Eýropaǵa jetkizilgen 10 kg metamfetamın alyndy. Eýropada alynǵan esirtkiniń naryqtyq quny 2.5 mln dollardan artyqqa baǵalanyp otyr. Esirtki trafıginiń halyqaralyq arnalaryn beıtaraptandyrý jónindegi is-sharalar jalǵasýda.