اۋقىمدى رەفورمالاردىڭ جالعاسىن كۇتەمىز

فوتو: اۆتوردان

مەملەكەت باسشىسى قاسىم-جومارت توقاەۆ «ادىلەتتى قازاقستاننىڭ ەكونوميكالىق باعدارى» اتتى وتكەن جىلعى جولداۋىندا اۋقىمدى جوسپارلار مەن مىندەتتەردى تىزبەكتەدى. ەلىمىزدىڭ قارقىندى دامۋى جولىندا جاسالاتىن قادامدارعا ەرەكشە توقتالدى.

پرەزيدەنت جولداۋىنىڭ ەكىنشى جىل قاتارىنان 1 قىركۇيەك – ءبىلىم كۇنىنە سايكەس كەلۋى كەزدەيسوقتىق بولماسا كەرەك.

ويتكەنى ادامي كاپيتالدى دامىتۋدىڭ بىردەن-ءبىر قاينار كوزى – عىلىم مەن ءبىلىم. كەزەكتى جولداۋ ءبىلىم بەرۋ جۇيەسى قىزمەتكەرلەرىنىڭ ەشبىرىن بەيجاي قالدىرعان جوق.

ماڭىزدى ساياسي قۇجات قاشاندا ورىندالۋىمەن قۇندى. وسى ورايدا وتكەن جىلعى جولداۋدا ايتىلعان ءبىر عانا ماسەلەگە ءمان بەرگىم كەلەدى. پرەزيدەنت پاندەردى وقىتۋدىڭ يننوۆاتسيالىق تاسىلدەرىن ەنگىزۋ, قاجەتتى وقۋ ماتەريالدارىن تسيفرلىق فورماتقا كوشىرۋدى تاپسىرعان ەدى.

تاپسىرماعا سايكەس مەكتەپ وقۋلىقتارىنىڭ 95,5%-ى تسيفرلىق فورماتقا اۋىستىرىلدى.

بيىل ەلىمىزدىڭ 700-دەن استام مەكتەبىندە 1200-دەن استام روبوتوتەحنيكا, حيميا, بيولوگيا, فيزيكا, STEM پاندىك كابينەتتەرى اشىلماق.

شاكىرتتەرگە تسيفرلىق فورماتتا ءبىلىم بەرۋ – جاڭا زامان تالابى.

دەمەك, بۇل باعىتتاعى جۇمىستار الداعى ۋاقىتتا دا جالعاساتىنى ءسوزسىز.

مەملەكەت باسشىسى بيىلعى جولداۋىن 2 قىركۇيەكتە جاريالايدى دەپ كۇتىلۋدە. ول دا ەلىمىزدە كەزەڭ-كەزەڭىمەن جۇرگىزىلىپ جاتقان اۋقىمدى ءارى ماڭىزدى رەفورمالاردىڭ جالعاسى بولاتىنىنا سەنىم زور.

رايحان سۇلەيمەنوۆا,

سافي وتەباەۆ اتىنداعى

اتىراۋ مۇناي جانە گاز ۋنيۆەرسيتەتى مۇناي-گاز

فاكۋلتەتىنىڭ دەكانى