«Aýlaq júrińdershi»: Janar Aıjanova atyshýly Hasanmen túsken sýreti týraly pikir bildirdi

Kollaj: ozgeris.info

Jýrnalıst Jan Ahmadıev bir top óner ókilderinen Talǵardaǵy oqıǵaǵa qatysty pikir bildirýin surady, dep habarlaıdy Ozgeris.Info.

Bul týraly ol óziniń áleýmettik jelidegi paraqshasynda jarııalady.

Onymen tikeleı aınalysyp jatqan quqyq qorǵaý organdary bar. Ony akter da, akademık ta aıtýy múmkin. Biraq odan ózgerip jatqan eshteńe joq sııaqty, – deıdi akter Janatbek Baıtekov.

Al ánshi Mıras Bekjanov bolsa, qoǵamdaǵy daýly oqıǵa týraly pikir bildirý onyń mindetine jatpaıtynyn alǵa tartty.

Joq men eshteńe salǵan joqpyn. Ol týraly jelige birdeńe salý mindet emes dep oılaımyn. Jaýapty adamdar zerttep, sheship jatyr, – dedi ol.

Al jelide atyshýly Hasanmen birge túsken sýreti taraǵan Janar Aıjanova jaýap berýden bas tartty.

Men ondaıda aıtpaımyn. Meniń sharýam joq saıasatta. Aýlaq júrińdershi, – dedi dástúrli ánshi.

Al Jan Ahmadıev el aldynda júrgenniń bári el ishinde bolyp jatqan oqıǵaǵa aralasýy kerek dep esepteıdi.

Ánshi bolsyn, bloger bolsyn halyqtyń arqasyna kún kórip otyrǵannan keıin esep berýi kerek dep oılaımyn. Ánshilermen sóıleskimiz kelgen. Birazy bas tartyp, bul taqyrypty qozǵaǵysy kelmeıtinderin aıtty, – dedi ol.