جاڭالىقتار
اۋرۋحانا بۋحگالتەرى 35 ملن تەڭگە جىمقىرعان
ورال قالالىق سوتىندا وبلىستىق جۇقپالى اۋرۋلار اۋرۋحاناسىنىڭ باس بۋحگالتەرىنە قاتىستى ۇكىم شىقتى.
بقو سوتىنىڭ ءباسپاسوز قىزمەتىنەن ءمالىم ەتكەنىندەي, بۋحگالتەر ايەل قر قك 189-بابىنا (سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ) سايكەس ايىپتى دەپ تانىلىپ, 7 جىلعا باس بوستاندىعىنان ايىرۋ جازاسىنا كەسىلدى.
ول سونىمەن قاتار وسى مەرزىمگە ۇيىمداردا ماتەريالدىق جاۋاپكەرشىلىك لاۋازىمداردى اتقارۋ قۇقىعىنان ايىرىلدى.
سوت تالقىسىندا بەلگىلى بولعانىنداي, ايەل جۇقپالى اۋرۋلار اۋرۋحاناسىندا 2005 جىلدان باستاپ جۇمىس ىستەگەن. اۋرۋحانا ديرەكتورى وعان سەنىپ, ەتسق-سىن بەرگەن. وسىنى پايدالانعان بۋحگالتەر كوپتەگەن زاڭسىز قارجىلىق وپەراتسيالار جاساعان. ءسويتىپ ءبىر جىلعا جەتپەيتىن مەرزىم ىشىندە قىزمەت بابىن پايدالانا وتىرىپ, 35,7 ملن تەڭگە بيۋدجەت قارجىسىن جىمقىرىپ, جۇمساپ جىبەرگەن.
سوتتا كىناسىن تولىق مويىنداعان ايەل بۇل ارەكەتىن وتباسىنداعى جاعدايمەن تۇسىندىرگەن. ۇلكەن ۇلى ناشاقورلىققا سالىنىپ, جانجال شىعارىپ وتىرعان. كىشى ۇلىنىڭ ايەلى دە ەسىرتكى قولدانعان. ۇرلانعان اقشانى وتباسىن اسىراۋعا جۇمساپ, ترامادول جانە پسيحوتروپتىق زاتتار ساتىپ الۋعا بەرگەن. وعان قوسا ايەلدىڭ قولىندا 79 جاستاعى اناسى دا بولعان.
سوت ۇكىمى زاڭدى كۇشىنە ەنگەن جوق.
