Aýrýhana býhgalteri 35 mln teńge jymqyrǵan

Oral qalalyq sotynda oblystyq juqpaly aýrýlar aýrýhanasynyń bas býhgalterine qatysty úkim shyqty.

BQO sotynyń baspasóz qyzmetinen málim etkenindeı, býhgalter áıel QR QK 189-babyna (senip tapsyrylǵan bóten múlikti ıemdenip alý nemese talan-tarajǵa salý) sáıkes aıypty dep tanylyp, 7 jylǵa bas bostandyǵynan aıyrý jazasyna kesildi.

Ol sonymen qatar osy merzimge uıymdarda materıaldyq jaýapkershilik laýazymdardy atqarý quqyǵynan aıyryldy.

Sot talqysynda belgili bolǵanyndaı, áıel juqpaly aýrýlar aýrýhanasynda 2005 jyldan bastap jumys istegen. Aýrýhana dırektory oǵan senip, EQ-syn bergen. Osyny paıdalanǵan býhgalter kóptegen zańsyz qarjylyq operaııalar jasaǵan. Sóıtip bir jylǵa jetpeıtin merzim ishinde qyzmet babyn paıdalana otyryp, 35,7 mln teńge bıýdjet qarjysyn jymqyryp, jumsap jibergen.

Sotta kinásin tolyq moıyndaǵan áıel bul áreketin otbasyndaǵy jaǵdaımen túsindirgen. Úlken uly nashaqorlyqqa salynyp, janjal shyǵaryp otyrǵan. Kishi ulynyń áıeli de esirtki qoldanǵan. Urlanǵan aqshany otbasyn asyraýǵa jumsap, tramadol jáne psıhotroptyq zattar satyp alýǵa bergen. Oǵan qosa áıeldiń qolynda 79 jastaǵy anasy da bolǵan.

Sot úkimi zańdy kúshine engen joq.