اۋىل اكىمدىگىنىڭ بۋحگالتەرى 10 ملن تەڭگە ۇرلاعان

قارابالىق اۋدانىنىڭ پروكۋراتۋراسى نوۆوترويتسك اۋىلدىق وكرۋگى اكىمى اپپاراتىنىڭ بۋحگالتەرى 9,8 ملن تەڭگە بيۋدجەت قاراجاتىن ۇرلاعانىن انىقتادى, دەپ حابارلايدى qandastar.kz اقپاراتتىق پورتالى.

شتات كەستەسى مەن بانكتىك شوتتاردى سالىستىرۋ بارىسىندا 4 جىل ىشىندە وزىنە ارتىق سومانى ەسەپتەگەن بۋحگالتەردىڭ تولەنگەن جانە ناقتى تولەنۋ كەرەك جالاقىسى اراسىنداعى ايىرماشىلىق انىقتالدى.

وسى فاكتى بويىنشا اۋدان پروكۋراتۋراسى قازاقستان رەسپۋبليكاسى قىلمىستىق كودەكسىنىڭ 189-بابى 3-بولىگىنىڭ 1) تارماعى بويىنشا, اتاپ ايتقاندا ءىرى مولشەردە ۇرلاۋدى سوتقا دەيىنگى تەرگەپ- تەكسەرۋدى باستادى.

باپتىڭ سانكتسياسى 2 جىلدان 7 جىلعا دەيىنگى مەرزىمگە باس بوستاندىعىن شەكتەۋ نە سول مەرزىمگە باس بوستاندىعىنان ايىرۋ تۇرىندەگى جازانى كوزدەيدى. قوسىمشا جازا رەتىندە م ۇلىكتى تاركىلەۋ, سونداي-اق بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن التى جىلعا دەيىن اينالىسۋ قۇقىعىنان ايىرۋ قاراستىرىلعان.

قازىرگى ۋاقىتتا قاجەتتى تەرگەۋ شارالارى جۇرگىزىلۋدە.