مادەنيەت
اۋىل مۇعالىمى الەمگە ايگىلى ءانشى Rosaliaمەن بىرگە ءان جازباق
فوتو: اشىق دەرەككوز
سونىمەن قاتار ەرقانات قازىر باسقا دا ءىرى شەتەلدىك ارتىستەرمەن كەلىسسوزدەر جۇرگىزىپ جاتىر. اسىرەسە جاس ارتىستەرمەن بىرگە جۇمىس ىستەپ كەلەدى.
اباي وبلىسىنىڭ مۇعالىمى يسپان ءتىلدى ءانشى Rosaliaمەن بىرگە جاڭا ءان جازادى, دەپ حابارلايدى Skifnews.kz اقپارات پورتالى.
وبلىس اكىمدىگىنىڭ حابارلاۋىنشا, اباي اۋدانىنىڭ مامانداندىرىلعان مەكتەپ-گيمنازيا-ينتەرناتىنىڭ مۇعالىمى ەرقانات سادۋحانوۆ Eraholic لاقاپ اتىمەن تانىمال. جاقىندا وعان الەمگە ايگىلى يسپاندىق ءانشى روزاليادان جاڭا ءاندى بىرگە جازۋعا ۇسىنىس ءتۇستى.
Eraholic بۇرىن تانىمال شەتەلدىك ءانشى Dua Lipaمەن جۇمىس ىستەگەن. ەندى ءوز قابىلەتىن تاعى شىڭداپ, ءوزىن جاڭا باعىتتا سىناپ كورمەك. ونىڭ ايتۋىنشا, ءانشى ءوزى ۇسىنىس ايتىپ بايلانىسقا شىققاننان كەيىن بىرگە جۇمىس ىستەۋگە كەلىسكەن. بولاشاق تۋىندى قازاقستاندا تانىمال بولىپ كەلە جاتقان رەگگەتون ستيلىندە لاتىن موتيۆتەرىندە جازىلادى.
سونىمەن قاتار ەرقانات قازىر باسقا دا ءىرى شەتەلدىك ارتىستەرمەن كەلىسسوزدەر جۇرگىزىپ جاتىر. اسىرەسە جاس ارتىستەرمەن بىرگە جۇمىس ىستەپ كەلەدى.
ايتا كەتەيىك, ەرقانات سادۋحانوۆ مەكتەپتە بيولوگيا ءپانىنىڭ مۇعالىمى, 7-10 سىنىپتاردا ساباق بەرەدى. 10 جىلعا جۋىق اندەرگە ارانجيروۆكا جازۋمەن اينالىسادى.
