اۋىل شارۋاشىلىعى ءونىمىن وندىرەتىندەر قۇن سالىعىنان بوساتىلادى

ەندى ودان ءارى الاڭسىز جۇمىس ىستەپ, تابىسىمىزدى ەسەلەۋگە مۇمكىندىك مول, قوسىلعان قۇن سالىعىنىڭ بولماۋى ءونىمنىڭ باعاسىنا دا وڭ اسەر ەتۋى ءتيىس دەپ ەسەپتەيدى شارۋا.

«ونى جالعىز مەن ەمەس, اۋىل شارۋاشىلىعىمەن اينالىساتىن جىگىتتەردىڭ ءبارى قولدايدى دەپ ويلايمىن. سەبەبى ققس بىزگە وتە ىڭعايسىز بولادى. سەبەبى باعانى كوتەرۋ كەرەك, ول قانشا پروتسەنت بولادى? بۇل ىستەپ وتىرعانى وتە دۇرىس دەپ ويلايمىن. بىزگە ەداۋىر كومەك بولايىن دەپ تۇر.»ميرجان ءالجانوۆ, سەرىكتەستىك باسشىسى

قوسىلعان قۇن سالىعى وسسە, تومەن مارجامەن جۇمىس ىستەيتىن كومپانيالاردىڭ شىعىنى ارتادى.

اسىرەسە شەكتەۋلى رەسۋرستارمەن كۇن كورىپ وتىرعان كوممۋنالدىق قىزمەت كورسەتۋ سالاسىنداعى كومپانيالاردىڭ تابىسى ازايىپ, حالىقتىڭ الەۋمەتتىك جاعدايىنا كەرى اسەر ەتۋى مۇمكىن, دەيدى ەكىباستۇزدىق كاسىپكەر. ماسەلەن, قوسىلعان قۇن سالىعىن كاسىپكەرلەردىڭ ءبارى تولەمەيدى, دەپ جازادى qazaqstan.tv.

ءدارى-دارمەك, اكتسيزدىك ماركالار, ءتۇستى جانە قارا مەتالل ساتاتىندار سالىقتان بوساتىلعان. ال جىلۋ, سۋ, جارىق, قوقىس شىعارۋعا جاۋاپتى مەكەمەلەرگە ءدال سونداي جەڭىلدىك بەرىلسە, تۇرعىندارعا دا ءتيىمدى بولار ەدى, دەيدى دەپۋتات.

«اتالعان كومپانيالار بوساتىلسا, سولاردىڭ تاريفى 12%-دان تۇسەر ەدى. بۇگىنگى كۇنى جىلۋ بەرەتىن, جارىق بەرەتىن, سۋ بەرەتىن, قوقىس شىعاراتىن كومپانيالار مۇلدەم ققس-نان ءنول بولاتىن بولسا, ولار حالىققا, ابونەنتتەرگە قوسپاۋشى ەدى. سول كەزدە ءتاريفتىڭ باعاسى 12% تومەندەۋشى ەدى.»سەرىك سادۋاقاسوۆ, كاسىپكەر, وبلىستىق ءماسليحاتتىڭ دەپۋتاتى