اۋىل شارۋاشىلىعى: سۋبسيديا بەرۋ شارتتارىنا وزگەرىس ەنگىزىلدى

جوعارى اۋديتورلىق پالاتا نۇسقاماسىن ورىنداۋ اياسىندا قر اۋىل شارۋاشىلىعى مينيسترلىگى مەملەكەتتەن سۋبسيديا الۋشىلارعا قارسى مىندەتتەمەلەر ەنگىزۋ بويىنشا جۇمىس جۇرگىزدى. ەندى قولداۋ قارجىسىن الۋ ناقتى ناتيجەگە قول جەتكىزۋگە تىكەلەي بايلانىستى بولادى.

مال شارۋاشىلىعىن دامىتۋدى سۋبسيديالاۋ جۇيەسىندەگى كەمشىلىكتەر 2021 جىلى تۇركىستان وبلىسىنا بولىنگەن بيۋدجەت قاراجاتىن پايدالانۋ ءاۋديتى بارىسىندا انىقتالدى. اۋىل شارۋاشىلىعى مينيسترلىگىنە ولاردى جويۋ تۋرالى تاپسىرما بەرىلدى.

ناتيجەسىندە, بيىل 25 ماۋسىمدا سۋبسيديالاۋ قاعيدالارىنا اۋىل شارۋاشىلىعى وندىرۋشىلەرى ءۇشىن جاڭا قارسى مىندەتتەمەلەردى ەنگىزۋدى كوزدەيتىن وزگەرىستەر ەنگىزىلدى: اوك اقشالاي ماندە جالپى ءونىمىنىڭ ءوسۋىن قامتاماسىز ەتۋ نە وتكەن جىل دەڭگەيىندە ساقتالۋى.

مىندەتتەمەلەردى ورىنداۋ دەڭگەيى سۋبسيديالاۋدىڭ مەملەكەتتىك اقپاراتتىق جۇيەسىندە تىركەلەتىن بولادى. ولار 2 جىل قاتارىنان ورىندالماعان جاعدايدا, سۋبسيديا الۋعا جاڭا ءوتىنىم بەرە المايدى.

وزگەرىستەر 2025 جىلعى 1 قاڭتاردان باستاپ قولدانىسقا ەنگىزىلەدى. ول ۋاقىتقا دەيىن, ياعني 2024 جىلى ءتيىستى پيلوتتىق جوبانى ىسكە اسىرۋ باستالادى.