اۋىل تۇرعىندارى اكىم سايلاۋىنا قىزىعۋشىلىق تانىتىپ وتىر – رۋسلان جەلدىباي

ەلىمىزدە اۋىل تۇرعىندارى جەرگىلىكتى اكىمدەردى سايلاۋعا قىزىعۋشىلىق تانىتىپ وتىر. بۇل تۋرالى پرەزيدەنتتىڭ ىشكى ساياسات جانە كوممۋنيكاتسيالار جونىندەگى كومەكشىسى رۋسلان جەلدىباي ايتتى.

ونىڭ ايتۋىنشا, ۇلتتىق قۇرىلتاي پلاتفورماسىندا وزەكتى ماسەلەلەر كوتەرىلىپ, شەشۋ جولدارى تالقىلانادى. ماسەلەن, «ازاماتتىق قوعام» سەكتسياسىندا الەۋمەتتانۋشى گۇلميرا ىلەۋوۆا جەرگىلىكتى اكىمدەردى سايلاۋدىڭ ناتيجەسى تۋرالى سۇرادى.

«جەرگىلىكتى جەردەگى سايلاۋ – ءبىز جۇرگىزگەن ماڭىزدى رەفورمالاردىڭ ءبىرى. سوڭعى سايلاۋ اۋدان جانە اۋىل تۇرعىندارىنىڭ قىزىعۋشىلىق تانىتقانىن كورسەتتى. ەندى ەل ازاماتتارى سايلاۋ پروتسەسىنە قاتىسۋعا تىرىسىپ وتىر. ولار اكىمدى وزدەرى تاڭداپ, بەلگىلى ءبىر ءىس-شارالاردىڭ ورىندالۋىن سول كىسىدەن سۇرايتىن بولادى. ءبىز سايلاۋ ناتيجەسىنە تالداۋ جۇرگىزەمىز. قازىر وڭىرلەردە جەرگىلىكتى اكىمدەردىڭ سايلاۋىنا قىزىعۋشىلىق جوعارى», – دەدى رۋسلان جەلدىباي.

ەسكە سالا كەتەلىك, بۇدان بۇرىن ۇلتتىق قۇرىلتاي ەل دامۋىنىڭ باعىتىن ايقىندايتىن بىرەگەي پلاتفورماعا اينالعانىن جازعان ەدىك.

سونداي-اق, قازاقستاندا وتەتىن V دۇنيەجۇزىلىك كوشپەندىلەر ويىندارىنا 58 ەل قاتىسادى.

مادەنيەت جانە اقپارات ءمينيسترى كرەاتيۆتى يندۋستريا وكىلدەرى ءۇشىن ارنايى سالىقتىق جەڭىلدىكتەر ەنگىزىلگەنىن ايتتى.