اۋىل تۇرعىندارىنىڭ زەينەتاقىسىن كوتەرۋ كەرەك – بەكتەنوۆ باستاماعا جاۋاپ بەردى

Ulysmedia كوللاجى

ۇكىمەت باسشىسى ولجاس بەكتەنوۆ اۋىل تۇرعىندارىنىڭ زەينەتاقىسىن كوتەرۋگە بايلانىستى «اۋىل» پارتياسى دەپۋتاتتاردىڭ باستاماسىنا جاۋاپ بەردى, دەپ حابارلايدى Ulysmedia.kz.

بەكتەنوۆ نە دەيدى

جالپى ەلدە زەينەتاقىمەن قامتاماسىز ەتۋ الەۋمەتتىك كودەكسكە سايكەس جۇزەگە اسىرىلادى. زەينەتاقى ءۇش بولىكتەن تۇرادى (ىنتىماقتى, جيناقتاۋشى, بازالىق) جانە ءاربىر ازاماتتىڭ ەڭبەك وتىلىنە نەگىزدەلگەن. بەكتەنوۆ جاۋابىندا ەڭبەك ءوتىلى نەعۇرلىم كوپ بولسا, زەينەتاقى مولشەرى سوعۇرلىم جوعارى بولاتىنىن اتاپ وتەدى.

– وسىلايشا, زەينەتاقى تولەمدەرىنىڭ مولشەرى زەينەتاقى جۇيەسىنە قاتىسۋ ءوتىلى مەن مىندەتتى زەينەتاقى جارنالارىن تولەۋگە تىكەلەي بايلانىستى. زەينەتاقى تولەمدەرىنىڭ مولشەرىن انىقتاۋ كەزىندە ازاماتتاردىڭ تۇرعىلىقتى جەرى, قىزمەت ءتۇرى سياقتى كريتەريلەرى ەسكەرىلمەيدى. بۇل ۇستانىم كونستيتۋتسيالىق نورمالار مەن حالىقارالىق تاجىريبەگە سايكەس كەلەدى, – دەيدى جاۋابىندا بەكتەنوۆ.

2024 جىلدىڭ باسىنان باستاپ بىرىڭعاي جيناقتاۋشى زەينەتاقى قورىنىڭ (بجزق) زەينەتاقى اكتيۆتەرى قىزىق دەرەكتەردى كورسەتكەنى حابارلانعان ەدى. كىرىستىلىك بۇل جولى 10,3% قۇراعان. بۇل ينفلياتسيا دەڭگەيىنەن 5 پايىزدىق تارماققا ارتىق. قازىر ناقتى كىرىستىلىك 4,8%-عا جەتەدى, بۇل وتكەن جىلدىڭ كورسەتكىشتەرىنەن ەداۋىر جاقسى.

بىرىڭعاي جيناقتاۋشى زەينەتاقى قورى سونداي-اق, قازاقستاندىقتاردى الاياقتاردان ساق بولۋعا شاقىرادى. بجزق ءباسپاسوز قىزمەتىنەن حابارلاعانداي, الاياقتار جاڭا ستسەناريلەردى ويلاپ تاۋىپ جاتىر