AÝYLDARDAǴY MEDIINALYQ NYSANDARDYŃ QURYLYSY BAIaÝ JÚRIP JATYR

Aýyldyq jerlerde medıınalyq nysandardyń qurylysy tym baıaý júrip jatyr.

Úkimet basshysy jaýapty mınıstrlik pen jer ýchaskelerin ýaqytyly bólmeı otyrǵan jergilikti ákimdikterdiń jumysyn synǵa aldy.

«Aýyldaǵy densaýlyq saqtaýdy jańǵyrtý» ulttyq jobasy sheńberinde byltyr 309 emdeý mekemesi tapsyrylýy tıis edi. Alaıda áý bastaǵy jospar iske aspaı, 99 nysanǵa deıin qysqaryp qaldy.

Onyń ózinde 7 mekemeniń qurylysy áli kúnge deıin aıaqtalmaǵan.

Aýyldaǵy aǵaıyn úshin salynyp jatqan nysandardyń qurylys jumystary baıaý júrip jatyr. Ákimdikter jer telimin ýaqytyly bermeıdi.

Ol úshin túrli syltaý aıtady. Úkimet otyrysynda Premer-mınıstr ulttyq joba aıasynda júzege asýy tıis jumystardyń qarqynyn edáýir jedeldetýdi tapsyrdy. Ár nysannyń qurylysy naqty merzimde aıaqtalyp, paıdalanýǵa berilýi qajet. Oljas Bektenov, QR Premer-mınıstri: – Byltyr ákimder tıptik jobalardy jergilikti jerge baılanystyrý tıis edi. Ol jumys ta aıaqsyz qaldy. Qazirgi tańda 239 obektiniń jobalyq qujattamasy daıyn. 109 boıynsha ǵana merdiger kompanııalar aıqyndyldy. Qalǵandary naqty isten góri jalań sóz kúıinde qalyp otyr.

Al qurylys jumystaryn aldaǵy naýryz-sáýir aılarynda bastaý qajet. Otyrysta saladaǵy maman tapshylyǵy da sóz boldy. Jaýapty vedomstvo basshysy qordalanǵan máseleni sheshý joldarymen bólisti.

Aıtýynsha, bıyldan bastap aýdandyq aýrýhanalarǵa 500-ge jýyq dáriger men 300-den asa jas maman barady. Olarǵa áleýmettik qoldaý kórsetiledi. Bul óńir qarajaty esebinen júzege asyrylady. Jalpy myńnan asa bilikti kadrdy daıarlap, qatarǵa qosý kózdelip otyr. Aqmaral Álnazarova, QR Densaýlyq saqtaý mınıstri: – Ulttyq jobanyń birinshi mindeti sheńberinde barlyǵy 655 MSAK salý josparlanyp otyr. Onyń ishinde 92 MSAK qurylysy aıaqtaldy. Jeteýiniń joba merzimderi buzylyp, bıylǵy jyly aıaqtalady dep kútilip otyr. Halyqqa sapaly medıınalyq qyzmet kórsetip, jaǵdaı jasaý úshin zamanaýı nysandar áli de boı kóteredi. Mysaly, elordanyń ózinde 2 perınataldyq ortalyq salynady. Jeńis Qasymbek, Astana qalasynyń ákimi: – Statıstıkaǵa sáıkes qalalyq staıonarlardaǵy oryndardyń 17%-ten astamyn basqa óńirlerden kelgen naýqastar paıdalanyp jatyr. Biz qosymsha densaýlyq saqtaý nysandaryna qajettilik bar ekenin kórip otyrmyz.

Sondyqtan úshinshi kópsalaly aýrýhana men eki perınataldyq ortalyqty salý máselesi ózekti bolyp tur.

Demografııalyq ósimdi arttyryp, ana men bala densaýlyǵyn qorǵaýǵa qashanda basymdyq beriledi. Bul baǵytta bas qalada osy jyly eki perınataldyq ortalyqtyń qurylysy bastalady. Kópbeıindi aýrýhana boıynsha jobalaý jumystary da bıyl aıaqtalýy tıis. Qurylysy aldaǵy jyly bastalady.